Urkullu (EAJ), Kortajarena (EH Bildu) eta Gorrotxategi (EP), herritarrentzat gainditu duten bakarrak
Iñigo Urkullu lehendakaria (EAJ), Nerea Kortajarena EH Bilduko legebiltzarkidea eta Miren Gorrotxategi Elkarrekin Podemos-IUko bozeramailea dira Eusko Legebiltzarreko buruzagi politikoen artean herritarren balorazio onena jaso dutenak, baita gainditu duten bakarrak ere, 10etik 5,5, 5,1 eta 5eko nota lortuta, hurrenez hurren, betiere 2023ko hirugarren eta azken Soziometroaren arabera.
Eusko Jaurlaritzako Prospekzio Soziologikoen Kabineteak gaur, ostegunarekin, kaleratu du azaroko inkestaren bigarren partea. Aurrenekoan, duela astebete argitaratutako zatian, EAEko hauteskundeei begirako boto-asmoari buruz galdetu zieten herritarrei. Oraingoan, buruzagi politikoen balorazioa egiteko eta EAEko arazo nagusiak zeintzuk diren aipatzeko eskatu diete, besteak beste.
Galdeketa azaroaren 21etik 24ra egin zuten telefono bidezko 3.000 elkarrizketa eginda. Iñigo Urkullu EAJko hautagai izango ez zela jakin aurretik egin zuten, horrenbestez. Buruzagi jeltzalea da herritarren artean begikotasun handiena sortzen duen politikaria (10etik 5,5), baina bi hamarren galdu ditu aurreko inkestako notarekin alderatuta. Kortajarena ere gainditu dute herritarrek, 5,1eko notarekin (aurretik Maddalen Iriarteren balorazioa eskatu zuten), baita Gorrotxategi ere, 5 batekin, aurreko balorazioa hobetuta.
Eneko Andueza PSE-EEko idazkari nagusi eta legebiltzarkideak 4,6ko nota lortu du, hamarren bat gora eginda. Sailkapen horretan urrun ageri dira Amaia Martinez (3,7ko nota jaso du, zazpi hamarren gehitu ostean), eta Javier de Andres (2,9 atera du, Carlos Iturgaizen nota hobetuta).
Buruzagiak ez ezik, alderdi politikoak ere baloratzeko eskatu zaie herritarrei. EAJ da sinpatia gehien sortzen dituena, 10eko eskalan 5,2 puntu eskuratuta (Urkulluk lortutako nota baino lau puntu gutxiago). Ondoren ageri dira, nota onenetik txarrenerako hurrenkeran, honako hauek: PSE-EE (4,4), EH Bildu (4,2), Elkarrekin Podemos (3,7), Ciudadanos (2,0), PP (1,9) eta Vox (0,7). Nabarmentzekoa da guztiek egin dutela hobera, maiatzeko inkestan atera zuten notarekin alderatuz gero.
Lan merkatua eta Osakidetza, arazo handienak
Euskadiren arazo nagusiei dagokienez, gizartearen lehen kezka lan-merkatuarekin lotutako arazoak dira berriz ere, maiatzeko neurketarekin alderatuta garrantzia nabarmen galdu badute ere. Herritarren % 47k aipatu dute lana hiru arazo nagusien artean; maiatzean, berriz, % 56k izan zuten hori ahotan.
Tarte handi batera, osasungintza da gehien aipatzen den bigarren arazoa, herritarren % 28k aipatu baitute (maiatzean baino apur bat gutxiago izan dira). Atzetik datoz etxebizitzarekin lotutako arazoak (% 19) eta arazo ekonomikoak (% 17), aurreko inkestan baino 10 puntu gutxiagorekin.
Zure interesekoa izan daiteke
EH Bildu abstenitu egin da, eta zabalik utzi du ados jartzeko aukera EPEetan euskarari segurtasuna emateko
Koalizio abertzaleak ez du argitu proposamenaren behin betiko onarpena babestuko duen, baina "akordiorik eza ez da aukera bat", ohartarazi du.
Pradalesek, aita santuak Kanarietara egindako bisitan: "Gizarte aurreratuek migratzaileen integrazioan lagundu behar dute"
Imanol Pradalesek adierazi du Euskadik Estatutik Europako iparraldera mugitzen diren 45.000 pertsonaren joan-etorriari erantzun behar izan diola.
Fujimori berriro jarri da Sanchezen aurretik, Peruko hauteskundeen boto-zenbaketaren azken txanpan
Akten % 98,2 zenbatuta, Fujimorik 9.032.651 boto (% 50,001) eskuratu ditu, eta Sanchezek, berriz, 9.032.000 (% 49,999). 30 egun barru jakinaraziko dituzte hauteskundeen behin betiko emaitzak.
Joseba Azkarraga: "Ez dago inolako amnistia prozesurik, espetxeetako araudiaren aplikazio soila baizik"
ETAko presoen eskubideen aldeko Sare mugimenduaren bozeramaileak euskal Espetxe Batzordeak egiten ari diren lana defendatu du. ETAk indarkeria behin betiko utzi zuenetik 15 urte igaro direnean, konfrontazio aroa itxi beharko litzatekeela uste du, bizikidetza handiagoko etapa bati ekiteko, betiere indarkerien biktimen mina "erabat errespetatuz".
Sumar: "Estatutu markoak ekarri behar dituen hobekuntzen aurrean oposizioaren buru jartzea erabaki du Osasun sailburuak"
Jon Hernandez Sumarrek Eusko Legebiltzarrean duen bozeramaileak nabarmendu duenez, Alberto Martinez sailburua "sindikatuetako baten aldarrikapen zehatz batean tematzen ari da: Estatutu propioa izatea".
Arabak eta Gipuzkoak turismo-tasa ezartzea onartu dute
Bizkaiak joan den astelehenean onartu zuen, eta modu horretan, EAEko hiru lurralde historikoetan 2027ko urtarrilaren 1etik aurrera hasiko dira zerga berria kobratzen.
AEBk Plus Ultrako akziodun baten komunikazioak nola lortu zituen argitzeko eskatu du Zapaterok
Abokatuaren esanetan, AEBren eta Espainiaren arteko informazio-trukeak "arrazoizko zalantzak" sortzen ditu berme juridikoiei dagokienez.
Kongresuaren gehiengoak ez du onartu Bardeako jarduera militarra bertan behera uztea
EH Bilduk, EAJk, Podemosek eta Sumarrek legez besteko proposamen bat eraman dute Behe Ganberara, bertan behera uzteko eta ingurua birmoldatzeko plan bat ezartzeko.
Sanchezek gobernuan jarraituko duela adierazi du, Feijook dimititzeko eskatu dion arren
Asteazken honetan egin den Kongresuko kontrol-saioan, Feijook dimisioa emateko eta "zabor-aldia ez luzarazteko" eskatu dio Sanchezi. EH Bilduk, bestalde, legealdiarekin jarraitzearen alde egin du, baina "paralisi" egoeratik irteteko eskatu dio.
Osasun arloko gatazkaren aurrean Ministerioak eta Jaurlaritzak egindako kudeaketak kritikatu ditu Laura Garridok
Euskadiko Alderdi Popularraren buruak azaldu duenez, Ministerioak ez du egin beharrekoa egin, baina Jaurlaritzak badu nahikoa eskumen arazoari aurre egiteko. Horrez gain, argitu duenez, itunpeko osasun-zerbitzuetara jotzea ez da neurri berri bat, 2009tik dekretu batean jasotako eskubidea baizik. Ziurtatu duenez, Osakidetzan arazo estrukturalak daude, besteak beste, mediku eskasiari aurrez heldu ez zaiolako.