"EH Bilduren garaia" dela esan du Otxandianok
EH Bilduk ekitaldia egin du igande honetan Bilboko Euskalduna Jauregian, 'Etorkizuna gara' lelopean. Bertan izan dira Arnaldo Otegi koordinatzaile nagusia eta Pello Otxandiano, koalizioak 2024ko Legebiltzarrerako hauteskundeei begira proposatutako hautagaia.
Pello Otxandianoren lehen ekitaldi publikoa izan da EH Bilduk lehendakarigai izateko aukeratu zuenetik. "Nire bertsiorik onena emango dudala, pasioz lan egingo dudala eta itxaropena dudala besterik ezin dut agindu", adierazi du. "Guk ez dugu sigla bat ordezkatzen, herri honentzako etorkizuneko proiektu batekin konprometitutako komunitate politikoa gara".
"Etorkizunari baikor begiratzeko arrazoiak ditugula eta gauza handiak egin ditzakegula uste dut", esan du Otxandianok. Hala, "galdera zaharrek erantzun berriak" behar dituztela nabarmendu du, eta "gure garaia da, etorkizuna gara", berretsi.
Arnaldo Otegi EH Bilduko koordinatzaile nagusiaren esanetan, koalizio independentista "irabaztera aterako da" datorren urteko hauteskundeetan, Euskadik "beste aliantza politiko batzuk, mugarik gabeko gobernua eta anbizio sozial eta nazional handiagoa" merezi dituelako.
"Etorkizunak proiektuak ditu. Euskal Herriaren etorkizuna EH Bilduren hizkiekin idazten da. Espero zenuten etokizuna zuek zarete", azaldu du Otegik 2.000 lagunen aurrean.
Bide horretan, "umiltasunez, harrokeriarik gabe eta isiltasunean" lan egin behar dela nabarmendu du. "Askotan galdetzen digute nazioartean zein den gure arrakastaren sekretua. Sekretua gure balioetan dago. Gure erantzukizun historikoaz jabetzen den ezkerra gara, arinkeriatik urruntzen dena. Umiltasunez lan egiten duen eta printzipioei eusten dien ezkerra gara. Lan asko egiten dugu eta zarata gutxi atera. Hitza mantentzen eta errespetatzen duen ezkerra gara. Balio eta printzipio horiek guztiek herri honetako lehen indarra izatera eraman gaituzte", hausnartu du.
2024ko helburuak eta lan-ildoak adosteko burututako ekitaldian, Joseba Asiron ere egon da. Cristina Ibarrolaren aurkako zentsura-mozioaren ostean, ostegunean hartuko du Asironek Iruñeko alkate kargua berriro ere.
"EH Bilduren ate birakariek ez diete enpresetako administrazioei begiratzen, kaleari baizik", esan du Asironek, besteak beste.
Maddalen Iriartek gidatu du ekitaldia, eta EH Bilduko ordezkariez gain, Joseba Sarrionandia idazleak eta David Fernandez kazetari eta politikari kataluniarrak ere hartu dute hitza.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.