EAEko aurrekontuak oposizioaren zuzenketarik gabe onartuko dira gaur, EAJk eta PSE-EEk atzera bota ostean
Euskal Autonomia Erkidegoko 2024rako aurrekontuak gaur onartuko dira, oposizioaren zuzenketarik gabe, Eusko Jaurlaritza osatzen duten taldeek, EAJk eta PSE-EEk, horien guztien aurka bozkatu baitzuten.
Eusko Jaularitzako hiru sailek —Osasuna, Hezkuntza eta Lan eta Enplegua— 2024rako Eusko Jaurlaritzak prestatu duen aurrekontu proiektu osoaren (15.025 milioi euro) % 65 pasatxo jasoko dute.
Proiektuak 4.896 milioi euro bideratuko dizkio Osasun Sailari, eta horietatik ia % 80 Osakidetzak jasoko du. Hezkuntza Sailak 3.672 milioi euro izango ditu datorren urtean. Besteak beste, ikastetxe publikoetako langileentzat aurreikusitako partida % 5,4 haziko da eta azpiegituretako inbertsioena, % 31,3.
Bestalde, Idoia Mendia lehendakariordea buru duen sailak, Lana eta Enplegua departamentuak, 1.177,4 milioiko partida izango du. Gehiena, 641 milioi euro, prestazioetara bideratuko dute: diru-sarrerak bermatzeko errenta (DSBE, 382 milioi), bizitzeko gutxieneko bitarteko diru-sarrera (BGDS, 180 milioi), eta etxebizitzako gastuetarako prestazio osagarria (79 milioi). Lanbideri dagokion partida 1.161,7 milioikoa izango da
EH Bilduren, Elkarrekin Podemos-IUren, PPren, Voxen eta Ciudadanosen osoko zuzenketak gainditu ondoren, legealdiaren azken urteko kontuak jasotzen dituen lege-proiektuaren txostena abenduaren 14an geratu zen prest, Eusko Legebiltzarrak gaur egingo duen osoko bilkuran behin betiko berresteko.
Joan den ostegunean, batzordean bozkatu ziren oposizioko taldeek eta Iñigo Urkulluren Gobernua osatzen dutenek aurkeztutako zuzenketa partzialak. EAJk eta PSE-EEk euren gehiengoa berriro baliatu zuten, gainerako taldeen alegazio guztiak baztertu zituzten eta testua aurrera atera zuten beren zuzenketak eta beste alderdi batzuekin hitzartutakoak erantsita.
Oposizioko alderdiek Eusko Jaurlaritzari leporatu zioten erabakitzeko interesik eza, EAJk eta PSE-EEk gainerako alderdiei helarazi zieten kexa bera, erkidegoko hauteskundeen hurbiltasuna argudiatuz.
Leire Pinedok (EH Bildu) euren zuzenketak defendatu zituen eta Gasteizko Gobernuari egotzi zioten elkar ez ulertzearen erantzukizuna, PPko Carmelo Barriok egin zuen bezala.
Jose Manuel Gilek (Ciudadanos) aurrekontuak "kontinuistatzat" eta egungo erronkei aurre egiteko "desegokitzat" jo zituen, eta Elkarrekin Podemos-IUk ez zuen hitza hartu, eta Vox ez zen batzordean izan.
Eusko Jaurlaritza osatzen duten taldeetatik, Alaitz Zabalak (EAJ) esan zuen oposizioak ez duela "sinesten" bere zuzenketetan, EAJri eta PSE-EEri ez dietelako deitu horiek negoziatzeko. Bestalde, Ekain Rico sozialistak adierazi zuen oposizioaren alegazioek ez dutela "programa alternatiborik" eta ezin zirela babestu "konfrontazio egoera batean", bere ustez, osoko bost zuzenketekin eszenifikatuta.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.