Ibarrola "klasistatzat" jo dute, UPNko alkate ohiak "nahiago dut eskailerak garbitu" esan ondoren
Cristina Ibarrola (UPN) Iruñeko alkateak adierazi duenez, "inoiz ez nintzateke alkate izango EH Bilduren botoekin, inoiz ez, edozer gertatuta ere". "Ez nuke inoiz EH Bildu babestuko ezeren truke, edozer gertatuta ere. Eskailerak garbitzea nahiago dut", gaineratu du.
Kargutik kendu duten alkateak zentsura-mozioaren osteko prentsaurrekoan esandakoak ez du inor axolagabe utzi. Hala, askok Iruñeko alkate ohiaren aurka egin dute, "klasista" dela esanez.
PSOEren Twitter kontu ofizialetik kritikatu dituzte alkate ohiaren hitzak. "Guk nahiago dugu klasistak ez izan", adierazi du Ferrazek 'X' sare sozialean.
Yolanda Diaz Sumarreko buruzagi eta bigarren presidenteordeak esan duenez, eskailerak garbitzen dituzten emakumeek funtsezko zeregin soziala betetzen dute, eta haien lana ordaindu eta aitortu egin behar da. "Arrazoi bat gehiago Iruñeko zentsura-moziorako", aldarrikatu du Ibarrolaren adierazpenei erreferentzia eginez.
Bien bitartean, Iñigo Errejon Sumarreko diputatu eta Mas Paiseko buruzagiak ere adierazpenok hizpide izan ditu, "eskailerak garbitzea duina" dela azpimarratuz. "Andre hau ez hainbeste. Agur, klasista ", gaineratu du.
Era berean, Sumarren kontu ofizialetik ere erantzun dute, "klasismoak erakundeak uzten dituenean albiste ona da beti" esanez.
Irene Montero Podemoseko buruzagi eta ministro ohiak Ibarrolari gogorarazi dionez, "eskailerak garbitzen ez badira, mundua gelditzen da". "Klasismoa eta matxismoa da, eta horrek ahaztu egiten du zaintza-lanek, gehienbat emakumeek egiten dituztenak, bizitzari eusten diotela", azpimarratu du, eta zorionak eman dizkie Iruñeko bizilagunei aldaketa politikoagatik.
Miren Gorrotxategi Elkarrekin Podemosek Eusko Legebiltzarrean duen bozeramaileak adierazi duenez, "eskailerak garbitzea lan duina eta sozialki beharrezkoa da. Klasista izatea, ez. Agur UPN "
UPNko alkate ohiak esandakoari ere erantzun dio Izquierda Unidak X sare sozialean: "Eskailerak garbitzea alkatetza bat eramatea bezain duina edo duinagoa da. Klasista bat gutxiago gure erakundeetan".
Nagua Alba Eskubide Sozial, Kontsumo eta 2030 Agendaren Ministerioko kanpainen koordinatzaileak gogor kritikatu ditu politikari erregionalistaren hitzak: "Eskailerak garbitzea azken hilabeteetan zuk egin duzun guztia baino askoz ere duinagoa da".
Ordu batzuk geroago, Iruñeko alkate ohia X sare sozialean egindako adierazpenak zehazten saiatu da.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.