Galiziako Podemosen oinarrien % 62k ezezkoa eman diote hauteskundeetara Sumarrekin koalizioan joateari
Podemos Galizia bere izenarekin aurkeztuko da otsailaren 18ko hauteskunde autonomikoetara, eta barne primarioen irabazlea, Isabel Faraldo Coruñako zinegotzi ohia, izango da zerrendaburua. "Indar politiko apala gara, baina gizartearen sektore baten ideiak ordezkatzen ditugu, eta sektore hori ezin da politikoki umezurtz geratu", adierazi dute Galiziako alderdi moreko iturriek.
Duela egun gutxi, Pablo Iglesiasek Canal Redeko editorialean koalizioari muzin egin zion eta BNGri boza ematearen alde egin zuen, eta iritzi horrek erabakian zerikusia izan ote duen galdetuta, alderdi moreko iturriek argi utzi nahi izan dute oinarriek egindako bozketa "autonomoa eta demokratikoa" izan dela.
Galiziako Podemosen izena emanda dauden 2.513 pertsonak parte hartu dute bi egun iraun duen bozketan, eta horien % 62,36k uko egin diote Sumarrekin koalizioan aurkezteari. Parte hartu dutenen % 36,25, aldiz, otsailaren 18ko hauteskundeetara Yolanda Diaz buru duen alderdiarekin batera joatearen aldekoak ziren.
Bozketaren emaitzak ikusita, zapuztuta geratu da Sumarrek, Podemos Galiziak eta IUk osatuko luketen ezkerreko koalizioa. Sumar eta IU elkarrekin aurkeztuko dira, eta Podemos, berriz, bere aldetik.
Ione Belarra Podemoseko buruak nabarmendu duenez, alderdiaren Galiziako militantziak "argi eta garbi" esan du alderdiak otsailaren 18ko hauteskundeetan egon behar duela eta bere proiektu politikoa "errespetatu" egin behar dela.
Moreen idazkari nagusiak zorionak eman dizkio Isabel Faraldo Coruñako zinegotzi ohiari, barne primarioetan bozkatuena izan baita, eta kartelburu "onena" dela nabarmendu du.
Sumarreko ordezkariek esan dute penaz hartu dutela erabakia, baina aurrera egin eta Galizian aldaketa politikoa gauza dadin lanean jarraituko dutela esan dute.
EAEko hauteskundeei dagokienez, Sumarrek eta Podemos Euskadik negoziatzen jarraitzen dute, eta ez dute ezer baztertzen.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.