PPk eta Voxek osoko zuzenketak jarriko dizkiote asteazken honetan amnistia legeari
Asteazken honetan erregistratuko dituzte Diputatuen Kongresuan amnistia legearen proposamenari egindako osoko zuzenketak. Azkenean, Alderdi Popularrak eta Voxek soilik jarriko dituzte zuzenketa horiek. Bi alderdiek jakinarazi dutenez, testu alternatibo batekin erregistratuko dituzte zuzenketa horiek eta, ondorioz, bakoitzak bere bozketa izano du.
Bestalde, Coalicion Canariak eta UPNk zuzenketarik ez jartzea erabaki dute, baina, bi kasuetan, euren diputatuak legearen aurka agertuko dira bozketaren unea iristen denean.
Osoko zuzenketak erregistratzeko epea asteazken honetako 18:00etan amaituko da.
PP eta Vox lege-proposamenaren aurka agertu dira hasieratik, Konstituzioaren aurkakoa dela iritzita. Hala ere, proposamenak lehen iragazkia gainditu zuen Kongresuko osoko bilkuran abenduaren 12an, 178 diputaturen babesa jaso ondoren.
Osoko zuzenketen erregistroa egin ondoren, hurrengo urratsa Kongresuko osoko bilkuran horien gainean eztabaidatzea eta bozketa egitea izango da. Hurrengo astean izango da hori eta, kasualitatez, eztabaida Senatuaren egoitzan egin beharko da, Kongresuaren hemizikloan birmoldaketa lan batzuk egin behar dituztelako.
Aurreikuspen guztien arabera, PSOEk, Sumarrek, ERCk, Juntsek, Bilduk, EAJk, Podemosek eta BNGk osatutako Kongresuaren gehiengoak zuzenketa horiek atzera botako ditu.
Osoko zuzenketek beren ibilbidea betetzen dutenean, zuzenketa partzialekin jarraituko du legearen tramitazioak. Zuzenketa partzial horiek erregistratzeko epea urtarrilaren 16an amaituko da, Kongresuko Mahaiak luzatzen ez badu.
Sozialisten iturriek azaldu dutenez, zuzenketa partzialen epe hori luzatzeak ez du aldatuko Diputatuen Kongresuak legea urtarrilaren amaieran onartzeko aurreikusi duten egutegia. Halaber, PSOEk Junts eta ERCrekin testuaren aldaketa batzuk negoziatzeko tartea irabaziko luke.
Zure interesekoa izan daiteke
EAJ "pozik" krisiaren aurkako neurriekin, baina EH Bilduren ustez, "ez da nahikoa"
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu nahi, eta Podemosek salatu du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.