Juntsek hiru lege dekretuak erretiratzeko eta adostutakoan aurkezteko eskatu dio Espainiako Gobernuari
Josep Rius Juntsen presidenteorde eta bozeramaileak Espainiako Gobernuari eskatu dio hiru lege dekretuak erretiratzeko eta behin negoziatu eta adostutakoan berriro aurkezteko. Hori dela eta, hiru lege dekretuen aurka bozkatuko duela berretsi du Juntsek.
Pedro Sanchez Espainiako presidenteak bere inbestidura babestu zuten alderdi guztien babesa beharko du, asteazkenean, Diputatuen Kongresuan legeak edota dekretuak onartzeko; baita Juntsena ere, betiere PPk ezetz bozkatzen badu.
Hiru dekretu dira guztira: inflazioari aurre egiteko neurriak jasotzen dituena, Lan Ministerioaren dekretua (langabezia subsidioa barne hartzen duena) eta "omnibus" izenarekin ezagutzen dena.
Gabonetako oporren osteko lehen prentsaurrekoan Rius bozeramaileak azaldu duenez, Espainiako Gobernuak "azkar eta korrika" onartu ditu hiru dekretuak, aurrez "Juntsekin akordiorik itxi gabe".
Juntsek ohartarazi duenez, dekretuek Kataluniaren "azpifinantzaketa" areagotzen dute, Generalitatearen eskumenak "murrizten" ditu eta amnistia legearen aplikazioa "arriskuan" jartzen dute. Hori dela eta, hiru lege dekretuak erretiratzeko eta behin negoziatu eta adostutakoan berriro aurkezteko eskatu dio; gai bakoitzerako dekretu bat.
"PSOEk argi izan behar du Juntsek ez duela legegintzaldirako akordiorik sinatu. Esparru nazionalean eta sozialean aurrerapausoak ematen badira bakarrik izango da egonkortasuna", ohartarazi du.
Santos Cerdan PSOEko Antolakuntza idazkariak adierazi du PPrekin eta Junts bezalako taldeekin hitz egingo dutela "azken minutura arte" Espainiako Gobernuaren hiru dekretuak babesteko, eta prest daudela alderdi independentistak proposatutako neurri berriak barneratzeko.
PSOEren Zuzendaritza Federalaren bileraren ostean Ferrazen emandako prentsaurrekoan, Cerdanek esan du asteazkenera arte jarraituko dutela Juntsekin hitz egiten. "Mahai gainean jarri beharko dituzte beste gauza batzuk. Mahai gainean jartzen dituzten gauza horietakoren bat onartzen badugu, publiko egingo dugu", nabarmendu du.
Halaber, espero du Podemosek hiru dekretuen alde bozkatzea. Bestalde, ERCrekin bilerak egingo ditu PSOEk Sanchezen inbestidura akordioan sakontzeko, baita Junts alderdiarekin ere.
"Normaltzat hartu PSOE ERC eta Junts alderdiekin bildu eta hitz egin ahal izatea. Asko izango dira (bilerak), normaltasun politikoaren barruan sartzen da", adierazi du.
Bestalde, Ernest Urtasun Kultura ministro eta Sumarren bozeramaileak "erantzukizuna" eskatu die Podemosi eta Juntsi dekretuak baliozkotzeko; izan ere, herritarren bizitza hobetzen duten neurriak jasotzen dituztela ziurtatu du.
"Politika erabilgarria gure herritarren ongizaterako funtsezkoak diren neurriekin politikakerian jokatzen ez duena da", azpimarratu du prentsaurrekoan, eta adierazi du neurri horiek aho batez onartu beharko liratekeela Kongresuan, politika jendearen arazoak konpontzera bideratuta dagoen herrialde batean, esan du hitzez hitz.
ERCk eta EH Bilduk dekretuak lege-proiektu gisa izapidetzea eta zuzenketak jasotzea eskatuko dute, horrek Juntsekin negoziatzea erraztuko lukeelako.
EAJk "erantzukizunagatik" babestuko ditu dekretuak, Andoni Ortuzar EBBko presidenteak iragarri duenez. Hala ere, Espainiako Gobernuari "normaltasunaren bidera itzultzeko" eta lege-proiektu gisa izapidetzeko eskatu dio.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.