PSOEk Juntsen zuzenketen aurka bozkatu du, eta Amnistia Legea airean dago orain
Kongresuak errefusatu egin ditu Juntsek eta ERCk Amnistia Legeari aurkeztutako zuzenketak, eta ondorioz, Ganberak sozialisten jatorrizko testua bozkatuko du gaur arratsaldean.
PSOEk berak ere bozkatu du zuzenketon aurka, eta ondorioz, Amnistia Legea airean dago une honetan. Izan ere, Juntsek bere zuzenketak babestea jarri du baldintza gisa, sozialisten testuari argi berdea emateko.
Kongresuak EAJren eta PPren zuzenketak ere bota ditu atzera.
Osoko bilkura 15:00etan abiatu da Diputatuen Kongresuan. Behe Ganberaren onespena jasoko balu (gehiengo osoa behar du), Senaturako bidea hartuko luke legeak.
Lege proposamena PSOEk erregistratu zuen Kongresuan, aurrez Junts eta ERC taldeekin adostu bazuen ere. Gerora, joan den astean, Justizia batzordean hiru taldeek adostutako hainbat aldaketa onartu zituzten, baina testua are gehiago molda daitekeela uste du Juntsek, terrorismo delitu guztiak barne egon daitezen (Tsunami Democratic delakoaren nahastutakoak, adibidez).
Hitza hartu duenean, Miriam Nogueras Juntsek Kongresuan duen eledunak PSOEri eskatu dio "epaile prebarikatzaileen" aurrean Amnistia Legea blindatu dezala. Horretarako, "testua moldatzea" ezinbestekoa dela iritzi dio politikari kataluniarrak. "Testua moldatu edota atzera berria Justizia Batzordearen esku utzi, ez dago beste aukerarik".
Bere aldetik, Pilar Valluguera ERCko diputatuak "aukera hau ez galtzea" eskatu du, eta Auzitegi Konstituzionalaren eta Europar Batasuneko Justizia Auzitegiaren "iragazki guztiak igaroko dituen amnistia bat" defendatu du. Hala, Kongresuko talde guztiei eskatu die legea bertan behera ez uzteko eta "baiezko botoa" emateko.
Euskal taldeei dagokienez, Jon Iñarritu EH Bilduko diputatuak esan du "Amnistia Legea positiboa eta guztiz beharrezkoa" izango dela "Kataluniako gatazka politikoari beste agertoki batean konponbidea" eman ahal izateko. "Aukera historikoa" dela iritzi dio. Ildo beretik, Mikel Legarda EAJko diputatuak nabarmendu du Kataluniako prozesu independentistak ez zuela inoiz "esparru politikotik atera behar". Amnistia Legeak "Konstituzioan lekua" baduela ziurtatu du.
PSOEren izenean, berriz, Francisco Arandak hartu du hitza, eta hasieratik, PPri zuzendu zaio: "Zuzenbide Estatua sendo dago. Espainia ez da hautsi eta ez da hautsiko, zuen esku geratzen ez den bitartean. Zuek agintean zeundetela, bi erreferendum eta independentzia deklarazio bat egon ziren. Gurekin, elkarrizketa".
Azkenik, Alberto Nuñez Feijoo PPko buruak aurreratu du bide judizial guztiak agortu arte egingo dutela Amnistia Legearen aurka. "Justiziara joko dugu, bide guztietatik eta tresna guztiekin", esan du.
Hitzaldien ostean, zuzenketak bozkatu dituzte, eta Kongresuak atzera bota ditu Junts, ERC eta PNV alderdiek aurkeztutako zuzenketa guztiak.
PPk azken unean erretiratu egin ditu iragarrita zituen 20 zuzenketak, artikulu guztiak indargabetzea eskatzen zutenak.
Etenaldiaren ostean, Osoko Bilkura 17:45ean hasiko da berriro, lege-proiektuaren bozketa egiteko.
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.