"Indarrak eta borondateak batzeko unea da", aldarrikatu du Alba Garciak Sumarren hautagaitzaren aurkezpenean
Alba Garcia Sumarren lehendakarigaiak "indarrak eta borondateak batzeko unea" dela defendatu du, EAEn "aldaketa" gauzatze aldera.
Sumarren hautagaitzaren aurkezpenean egin ditu adierazpen horiek, eta "aldaketa horren buru" izateko konpromisoa duela esan du.
Sumar, Equo-Berdeak eta Ezker Anitza-IU koalizio eta alderdiek hauteskundeetarako aurreakordioa sinatu dute ekitaldian. Garciak eskerrak eman dizkie bi alderdiei koalizioaren hautagaitzarekin bat egiteagatik, eta "aurrean ilusioz beteriko proiektu bat" dutela adierazi du, eta beste alderdi batzuk ere batzeko prest agertu da.
Lehendakarigaiak adierazi du "herritarren gehiengoarentzako politika aurrerakoiak" garatzeko aurkeztuko direla. Horren harira, Osakidetzan, hezkuntzan, zaintzan eta etxebizitzan jarri du azpimarra.
"Jende guztiak sistema publikoan konfiantza izatea" jarri du helburutzat: "Jendeak jakin dezala gaixotzen bada artatu egingo dutela".
"Aldaketaz hitz egiten duten" gainerako alderdiei buruz, kritikatu egin ditu horretaz hitz egiten duten bitartean "gobernuan daudenekin guztia ituntzen dutenak", PSE-EEri erreferentzia eginez, eta EH Bilduz esan du Pello Otxandiano lehendakarigaiak berak onartu duela "gutxieneko programa bat" aurkeztu dutela.
Horregatik guztiagatik, Sumarren hautagaiak esan du eurak direla "aldaketaren buru".
Carmen Muñoz Equo-Berdeaken ordezkariak "hautagaitzarekin bat egiteko" deia egin die gainerako alderdiei: "Gure helburua eremu aurrerakoi honek ilusioa berreskuratzea da. Euskadiko 127.000 boto-emailek eman zuten Sumarren eremu politikoaren aldeko botoa hauteskunde orokorretan".
Azkenik, Jon Hernandez Ezker Anitza-IUren bozeramaileak azpimarratu du eremu politiko jakin bat "batzeko urrats txiki bat" dela aurreakordioa; izan ere, "Eusko Legebiltzarrak ezin du alderdi biko parlamentu bat izan".
Miren Gorrotxategi
Elkarrekin Podemoseko Miren Gorrotxategik, berriz, Sumarren ekitaldia batasunaren aurkako ebidentzia dela adierazi du Andoainen.
Pilar Garrido alderdi moreak Euskadin duen koordinatzaile nagusiak ere argi eta garbi esan du Yolanda Diazen alderdiak "kanpoan utzi" dituela.
Inork ez ditu esplizituki apurtutzat eman nahi Sumarren eta Podemosen arteko negoziazioak, baina erreakzioak ikusita, konponbideak ez du gertu ematen.
Kontua izan behar da azken EITB Focus inkestaren arabera, Sumarren eta Podemosen arteko koalizioak bost eserleku lortuko lituzkeela, eta bananduta joanez gero, gutxiago: 2 Podemosek eta 1 Sumarrek.
Albiste gehiago politika
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kentzeagatik". Hitzok esan ditu alkateak Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.