Guilarte: "BJKN-a berritzeko akordioarik ez badago, ni baino pertsona egokiagoak daude presidente izateko"
Vicente Guilarte Botere Judizialaren Kontseilu Nagusiko (BJKN) behin-behineko presidenteak PPri eta PSOEri ohartarazi die "arriskutsua" izango litzatekeela epaileen gobernu-organoa berritzeko bokal "militanteak" aukeratzea. Organu hori jardunean dago 2018ko abendutik, alderdiek ez baitute hura berritzeko akordiorik lortu.
Gosari informatibo batean, Guilartek azpimarratu du "arriskutsua" izango litzatekeela, "bizitzen ari garen une politikoan", Botere Judizialaren Kontseilu Nagusia berritzeko negoziazioetatik "hamar militante, batetik, eta hamar militante, bestetik" ateratzea. "Hori oso larria izango litzatekeela uste dut", ohartarazi du.
"Jakin behar da zer ez duen funtzionatzen orain, zer ez duen funtzionatu, eta, ondorioz, berrikuntzarekin batera formularen bat egon behar da, gaur egun detektatu ditugun arazoak saihesteko", gaineratu du.
Guilartek ziurtatu du inoiz baino garrantzitsuagoa dela "independentzia judiziala" defendatzea. Izan ere, bere eskumen nagusietako bat independentzia judiziala defendatzea dela gogoratu du, bereziki epaileei Kataluniako independentismoaren aurka "lawfare" egitea leporatzen ari zaien garai honetan.
"Horri aurre egin behar zitzaion, eta ni ahal izan dudan guztietan atera naiz, epaileak bakean uzteko eskatuz", esan du.
Magistratuak ziurtatu duenez, "konfiantza osoa" du organua berritzeko "egungo solaskideengan". "Argi dago ni akordio horren zain egongo naizela, eta akordioa gertatzen ez bada, ni baino pertsona kualifikatuagoak daudela presidentea izateko", gaineratu du. Hala ere, berritzeak "amaiera zoriontsua" izango duela esan du.
Zure interesekoa izan daiteke
Otxandianok azpimarratu du EAJren eta PSE-EEren arteko talka ez dela "oso eraikitzailea" eta Jaurlaritzaren egonkortasuna zalantzan jarri du
Pello Otxandianoren ustez, Eusko Jaurlaritzako bi kideen arteko liskarrek "jendea urrunarazten dute" eta epe luzerako proiektu bat eskaintzeko gai direnik zalantzan jarri du.
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.