Lehendakariak EAEko hauteskundeen data iragarriko du gaur arratsaldean
Iñigo Urkullu lehendakariak agerraldia egingo du gaur arratsaldean, 18:30ean, Eusko Legebiltzarrerako hauteskundeen data iragartzeko. Lehendakaritzatik egingo du agerraldia, behin Gobernu bilera amaituta, eta eitb.eus-ek zuzenean emango du. Jaurlaritzako bozeramaile Bingen Zupiriak ohiko du hitza hartzea asteroko Gobernu kontseiluen ondotik, bertan eztabaidatutako gaien berri emateko, baina gaurkoan ez du prentsaurrekorik emango.
17:00etan hasiko da Gobernu bilera. Ondoren, 18:30ean, komunikabideen aurrean agertuko da lehendakaria. Astearterako zegoen aurreikusita bilera, baina bertan behera utzi behar izan zuten, Urkulluren amaren osasun egoera larria medio —egun horretan bertan hil zen—.
Hauteskunde datak harrabotsa sortu du asteotan alderdi politikoen zein euskal herritarren artean. Dataren gaineko zurrumurruak zurrumurru, aukeren artean apirilaren 21ak hartu du indarrik handiena, nahiz eta arratsaldera arte ez den data ofizialki ezagutuko.
Hauteskunde legearen arabera, bozken data hauteskunde eguna baino 54 egun lehenago argitaratu behar da EAEko aldizkari ofizialean (EHAA). Horrenbestez, azkenean data horren alde egiten badute, otsailaren 27rako jaso beharko du iragarpena EHAAk.
Noiz edo noiz esan izan du lehendakariak 2020ko hauteskundeak apirilaren 5erako zeudela deituta, baina uztailaren 12ra atzeratu zituztela covid-19aren pandemia tarteko. Ildo horretan, sarri defendatu du legealdi amaiera hasiera batean ezarritako data (apirilak 5) kontuan izanda kalkulatu behar dela.
Horregatik, Urkulluk ez zuen "zentzuzkoa" ikusten uztailera arte itxarotea, ezta EAEko bozkak Europako hauteskundeekin batera egitea ere —ekainaren 9an dira—.
Oraingoz, baina, baieztapen ofizialaren zain, argituta dagoen bakarra da Iñigo Urkullu ez dela berriro EAJren hautagai izango. Hain zuzen ere, Imanol Pradales aurkeztu du alderdiak lehendakarigai.
Agur giroa Legebiltzarrean
EAEko aktualitate politikoak egunak daramatza hauteskunde giroan murgilduta, legealdia amaitzear dagoen zantzu argiekin. Astelehenean, Jaurlaritza osatzen duten bi alderdietako buruzagiak, Andoni Ortuzar eta Eneko Andueza, bilerara deitu zituen Urkulluk. Batzarrean legealdiaren balorazioa egin zuten hirurek, eta azken lau urteotan emandako "konfiantza eta babes leiala" eskertu zien Urkulluk EAJko eta PSE-EEko buruei.
Aurrez, ostiralean, legealdiko azken kontrolerako saioa egin zuten Eusko Legebiltzarrean. Bilkurak agur kutsu nabarmena izan zuen, eta lehendakaria Lucia Arieta-Araunabeña emaztearekin joan zen ganberara —ez da batere ohikoa—. Bezperan, legealdiko azken hiru legeak onartu zituzten, eta orduan adierazi zuen lehendakariak pentsatua zuela hauteskundeen data, orduko hartan iragarri ez bazuen ere.
Zure interesekoa izan daiteke
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.