Amilibiak dio "gauzak ondo egiteko" eta 2025eko urtarrilaren 1erako "dena prest" izateko denbora dagoela
Lide Amilibia Eusko Jaurlaritzako Gizarte Politiketako sailburuordeak uste du denbora badagoela "pleguak eta lizitazioak ondo lantzeko" 2025eko urtarrilaren 1erako dena prest izateko. Egun horretan gauzatuko da Migratzaileak hartzeko sistemaren transferentzia. Era berean, azalpen-bilera iragarri du gaurko migratzaileekin lanean ari diren sei gizarte-erakundeekin.
Espainiako Gobernuak eta Eusko Jaurlaritzak atzo itxi zuten Migrazioaren transferentzia, eta, horren bidez, Jaurlaritzak bere gain hartuko du pertsona errefuxiatuen edo asilatuen harrera prozesuaren kudeaketa integralaren garapena.
Sailburuordeak Radio Euskadiko Boulevard saioan negoziazioan izan den "tonu ona eta hitzartzeko gogoa" nabarmendu ditu, eta akordioa gauzatzeko 2,4 milioi euroko zenbatekoa izan dela adierazi du.
Amilibiak argitu duenez, Estatuko Harrera Sistema hiru fasetan banatzen da; etorrera, harrera, eta, azkenik, pertsona migratzaileen autonomia. "Azken hori geratuko da gure esku. Nazioarteko babesa onartuta duten pertsonak dira, lanerako eta bizilekurako baimenak dituzte, eta autonomia-fasera igarotzen dira", azaldu du sailburuak, eta gaineratu du helburua gizarteratzea dela.
Sailburuaren arabera, gizarteratze-prozesu horiek orain arte Espainiako Estatuak kudeatzen zituen jarduerak dakartzate, hala nola laguntza ekonomikoak, babes soziala, soziologikoa, juridikoa edo hizkuntzaren irakaskuntza.
Amilibiak jakinarazi duenez, gaur bertan bilduko da migratzaileen autonomiaz arduratzen diren sei erakundeekin, tartean, Gurutze Gorria, CEAR, ACCEM edo Nueva Vida elkarteekin, "lasaitasuna helarazteko, gauzak ondo egiteko denbora dugulako eta igarobide hori erraza gerta dadin dadin".
Albiste gehiago politika
Politika Orokorreko Osoko Bilkura, greba orokorra Ipar Euskal Herrian eta Frantzian eta Jose Luis Rebordinosi elkarrizketa
Gaurkoan Orain-en albiste izango direnen laburpena, bi hitzetan.
EAJren ustez, Euskadirentzat "oso onuragarria" da langabezia-prestazioren kudeaketa lortu izana
Maribel Vaquero diputatuaren hitzetan "oraindik bilerak falta dira" eskualdatzea gauzatzeko eta, "adostutakoa beteko" dela ziurtatzeko, "jarraipena egingo" diotela jakinarazi du.
Arabak "probintziako aita" titulua kenduko die Francori eta Molari
Ramiro Gonzalez Arabako ahaldun nagusiak egin du iragarpena, asteazken honetan diktadura frankistak Araban errepresaliatutako pertsonak oroitzeko egin duen lore-eskaintzan. Ekitaldi hori Foru Aldundiak eta lurraldeko Batzar Nagusiek antolatzen dute urtero, eta kargu publikoak eta senideak izan dira bertan.
Greba eta mobilizazio eguna, ostegunean, Ipar Euskal Herrian
Frantzia osoan egingo dira protestak Gobernuak ezarri nahi dituen murrizketen aurka. Sindikatuek Lecornu lehen ministro berria prestatzen ari den 2026ko aurrekontuetan eragin nahi dute. Baionan 10:30ean irtengo da manifestazio nagusia Santa Ursula plazatik.
Geroa Baik “haserrea" adierazi du, EH Bilduk “Ustelkeriaren Kontrako Bulegoa kontrolatzen” duela esan ondoren
Uxue Barkosek adierazi duenez, adierazpen horiek "zentzu berria" ematen diete OANAk Nasuvinsari buruz egindako "txostenak dituen akats juridikoei". Oskar Matutek, bere aldetik, "harrituta" dagoela esan du eta "egunkari bateko titularra tonu ironikoan" erabili zuela argitu du.
Goiak aitortu du autobus geltokia txiki geratu dela eta handitzeko asmoa duela
Donostiako alkateak deitoratu egin du oraindik abiadura handiko trena Donostiara iritsi ez izana, horrek zerbitzua arinduko lukeela uste baitu.
Euskal agenda zer den zehazteko eskatu dio Garridok lehendakariari
Laura Garrido legebiltzarkide popularrak salatu du estatus berria negoziatzeko mahaian ez dagoela Alderdi Popularra, eta Imanol Pradales lehendakariari azalpenak eskatu dizkio. Bestalde, bihar Eusko Legebiltzarrean egitekoa den Politika Orokorreko Eztabaidan euskal agenda zer den zehazteko eskatu dio lehendakariari.
Langabezia-prestazioen kudeaketa eskualdatzeko akordioa txalotu du Martinezek
Lander Martinez Sumarreko diputatuak Kongresuan esan du akordioa "oso positiboa" dela Euskadirentzat. Bere hitzetan, agerian geratu da Sumarrek autogobernuarekin duen konpromisoa.
Amiantoaren biktimek laguntzak jasotzeko ziurtagiria eskatu ahal izango dute ostegun honetatik aurrera
Eskaria aurkeztu eta gehienez hiru hilabeteko epean eman beharko dute ziurtagiria.
Euskadik eta Espainiako Gobernuak akordioa sinatu dute langabezia-prestazioaren eskualdaketarako
Transferentzien Batzorde Mistoan gauzatuko da urtea amaitu aurretik, eta Eusko Jaurlaritzak SEPEren bulegoak eta langileak bere gain hartuko ditu.