EH Bilduk jeltzaleei elkarrekin gobernatzeko egindako proposamena errefusatzeko eskatu dio De Andresek EAJri
Javier de Andres Euskadiko PPko presidentearen hitzetan, EAJ "ez da fidagarria", eta EH Bilduk jeltzaleei elkarrekin gobernatzeko egindako proposamena "argi eta garbi" errefusatzeko eskatu dio EAJri, "oraindik ez duelako egin".
PPren lehendakarigaia aurkezteko ekitaldian egin ditu De Andresek adierazpen horiek, Alberto Nuñez Feijoo Espainiako PPko presidentea, Esther Martinez Euskadiko PPko idazkari nagusia eta Raquel Gonzalez Bizkaiko PPko presidentea bertan zirela.
De Andresen iritzian, "Europan eta Espainian hesiak eraikitzen ari dira; horrek isolamendu egoerara eraman du Euskadi eta gainbehera ekarri du". Zentzu horretan, Euskadik Espainiako ekonomian duen eragina puntu bat eta erdi murriztu dela aipatu du, % 5,89raino.
Horren aurrean, esan du Euskadi "Espainiako abangoardian" jarri nahi duela berriro PPk, euskal eredua "oso zaharkituta geratu delako, eta lehenak berriro izateko anbizioa behar dugulako".
Diru-sarrerak Bermatzeko Errenta
De Andresek Diru-sarrerak Bermatzeko Errenta ere izan du hizpide, eta horren erreforma osoa proposatu du, "ez baita bidezkoa lan egin gabe autonomo batek baino gehiago irabaztea". Errenta horiek, PPren lehendakarigaiaren aburuz, "gizartetik eta lan merkatutik kanporatzen dituzte herritarrak".
"Jendeak lan egitea nahi dugu, hori da integratzeko modua, eta ez ordainsariak emanda. Ahaleginaren kulturara itzuli behar gara", gaineratu du.
"Guztia irabaztera"
PPko presidenteak, bestalde, adierazi du lehendakarigai popularrarekin "guztia irabaztera" joango direla eta "euskal agenda euskal herritarrena soilik" dela bermatuko duela. "Euskadi kategoriaz igoko dugu", gaineratu du.
Nuñez Feijook esan du "oso indarberrituta" dagoela egungo euskal PPrekin, "konplexurik gabeko" alderdia delako, eta Espainiako Estatuko erkidegoen zerrendan Euskadi ezin dela "17tik 13." egon kritikatu du. "Hirugarren postuan dagoen galiziar batek esaten du; beraz, lagunok, igo dezagun kategoriaz Euskadi", adierazi du.
"Gu gara, Bildurekin batera, zoritxarrez, gorantz egiten ari den alderdi bakarra. Aukeratu beharra dago Bilduk gora egitea edo PPk gora egitea nahi dugun. Euskal herritarrak jakintsuak dira, eta oso ongi dakite Bilduren eta Alderdi Popularraren artean erabateko aldea dagoela", azaldu du.
PPko zerrendak
Momentuz, Euskadiko PPk ez ditu apirilaren 21eko hauteskundeetara aurkeztuko diren hautagaien zerrendak ezagutzera eman. Baliteke Laura Garrido legebiltzarkidea zerrenda berrietan ez izatea. 2006az geroztik dago Garrido Eusko Legebiltzarrean.
Bestalde, Carmelo Barrio PPko politikaria ez da berriro legebiltzarkide izango, eta De Andres ordezkatuko du Kongresuan.
Zure interesekoa izan daiteke
"Pozik gaude erabakiarekin, eta orain errespetua eskatzen dugu"
Joxemari Mitxelenak, Euskadiko Pilota Federazioaren presidenteak, "federazio independente gisa" errespetatzea nahi dutela azpimarratu du, Espainiakoa, Frantziakoa, Argentinakoa edo Mexikokoa bezala. "Bakoitzak bere etxeko lanak ondo egin ditzala. Gu saiatuko gara gureak ondo egiten", gaineratu du Mitxelenak.
Nazioarteko Euskal Pilota Federazioaren arabera, Kirola Arbitratzeko Auzitegiaren erabakiak "11 hilabeteko kalumniak itxi ditu"
FIPVk ohar batean adierazi duenez, "Euskal Pilotaren mundu mailako garapen eta batasunaren alde lan egiten jarraituko dugu, erakundeekiko errespetutik eta gure erakundea arautzen duen araudi-esparrutik abiatuta".
Pradales lehendakariak Davoseko Forora egindako bisitaren gakoak
Imanol Pradales lehendakariak Euskadi herrialde egonkor eta erakargarri gisa aurkeztu du munduko ekonomia eta finantza-foro handienean. Lehendakaria Davosera joan da, lehen aldiz Munduko Ekonomia Foroan parte hartzeko. Bertan, munduko lehen mailako ordezkari ekonomiko eta politikoak izango dira.
Zupiria: "Prozesu judizialak atzeratu egiten dira, eta, bitartean, delituak egiten dituztenenek arau-hausteak egiten jarraitzen dute"
Bingen Zupiria Segurtasun sailburuaren iritziz, "Poliziak eta Justiziak azkar erantzungo balute, modu eraginkorragoan helduko liokete arazoari, eta horrek eragiten duen segurtasun-gabezia sentsazioari". "Horregatik da garrantzitsua Espainiako Gobernuak aintzat hartzea Eusko Jaurlaritzak eta eremu judizialak planteatzen dituzten eskaerak, kasu horiei aurre egin behar dieten epaileen kopurua handitzeko, eta lege-aldaketak egitea, beldur handiena sortzen duten delituei dagozkien zigorrak gogortzeko", nabarmendu du.
Pradales: “Etorkizuna irabazteko Davoseko foroan egon beharra daukagu”
Mundua blokeka banarazi nahi duten horien aurrean, "Europara eta Euskadira demokrazia eta askatasunak ekarri zituen gizarte eradua defendatzeko" asmoz hartuko du parte lehendakariak Suitzan egiten ari diren foro ekonomikoan.
KAAk atzera bota du Euskadiko Euskal Pilota Federazioaren ofizialtasunaren aurka Espainiak jarritako helegitea
Kirola Arbitratzeko Auzitegiak erabaki du ez duela eskumenik Euskadiko Federazioa Euskal Pilotaren Nazioarteko Federazioan sartzearen aurka Espainiako Pilota Federazioak aurkeztutako errekurtsoa ebazteko. Ebazpen horren kontra ezin da helegiterik jarri, eta, beraz, auzia bere horretan geratuko da; alegia, euskal pilota federazioak ofiziala izaten jarraituko du.
Accionaren presidentea ez da joan Nafarroako Parlamentuko Ikerketa Batzordera, eta berriro deitu dute
Otsailaren 9an aurkeztu beharko da. Hala ez balitz, delitu bat egin lezakeela gogorarazi du Batzordearen presidenteak.
Ertzaintzaren operatiboaren buruak epailearen aurrean deklaratu du: "Hil egin nahi gintuzten"
Falangearen elkarretaratze baten aurrean kontramanifestazioa egiteagatik ikertzen ari diren sei pertsonak deklaratzeari uko egin diote. 22 agente zauritu ziren istiluotan, eta epaiketak aurrera jarraitzen du.
Pradalesek Europa batuagoa eta subiranoagoa izatea eskatu du, ordena global berriaren aurrean
Lehendakaria Munduko Ekonomia Foroan parte hartzen ari da aste honetan, eta paradigma globala aldaketzen ari dela ohartarazi du. Gainera, Europar Batasuna bateratuagoa eta burujabeagoa izatea eta erabakitzeko gaitasun handiagoa izatea eskatu du.
PSEk eta EAJk Gasteizko aurrekontuak hitzartu dituzte EH Bildurekin, hirugarren urtez jarraian
Gasteizko Udaleko gobernu taldeak (PSEk eta EAJk osatzen dute) EH Bildurekin adostu ditu aurtengo udal aurrekontuak, 2024koekin eta 2025ekoekin egin bezala, Rocio Vitero koalizio abertzalearen bozeramaileak iragarri duenez.