Frantzia, abortu eskubidea Konstituzioan blindatzen duen munduko estatu bakarra
Frantziako Parlamentuko bi ganberek (Asanblea Nazionala eta Senatua) batera bilkura bat egin dute astelehen honetan, eta abortu eskubidea Konstituzioan sartzeko behin betiko oniritzia eman dute, Frantzia eskubide hori indarrean duen munduko estatu bakarra izan dadin.
Lehenengoa historia osoan Yugoslavia izan zen eta, nahiz eta abortua hitza esplizituki ez zuen aipatzen, seme-alaben jaiotzaren gainean erabakitzeko askatasuna jaso zuen. Herrialdea 1992an desegin zen, hortaz, Frantzia da gaur gaurkoz eskubidea Konstituzioan jasota duen herrialde bakarra.
Batzar Nazionalak 'argi berdea' eman zion neurri horri urtarrilaren amaieran, azken erabakia eskuinak kontrolatutako Senatuaren esku utziz. Goi Ganberak ere haurdunaldiaren etenaldia Konstituzioan blindatzearen alde bozkatu zuen joan den astean.
Urrats horren ostean, Emmanuel Macron Frantziako presidentea berehala azaldu zen albistea ospatzeko eta astelehen honetarako Parlamentuaren Kongresua deitzeko. Bi ganberek elkarrekin egiten dute bilkura, erreferenduma erabiltzen ez denean Konstituzioa aldatzeko.
Parlamentuko Kongresuak 925 kide ditu (348 senatari eta 577 diputatu), eta behin betiko oniritzia eman dio neurriari, 780 ordezkariren babesarekin, Yael Braun-Pivet Frantziako Asanblea Nazionaleko presidenteak iragarri duenez.
Albistea ezagutu eta gutxira, Macron presidenteak "mezu unibertsala" bidaltzeagatik "harrotasuna" agertu du sare sozialetan, eta eskubide konstituzionalaren onarpen-ekitaldian parte hartzeko deia egin die herritarrei.
Datorren ostiralean, Emakumearen Nazioarteko Egunean, Parisko Vendome plazan "publikoari irekitako lehen zigilatze ekitaldia" egingo dutela iragarri du buruzagiak. "Ospatu dezagun elkarrekin, Konstituzioan bermatutako askatasun berri bat", esan du.
Hala ere, abortua Konstituzioan blindatzeko erabakiak desadostasunak sortu ditu Frantziako gizartean. Astelehen honetan bertan, abortuaren aurkako talde bat bildu da Versailles Jauregiaren inguruan, Parlamentuaren Kongresua egin den tokian, 'Ni ere enbrioi bat izan nintzen' lelopean.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.