Garcia Castellon epaileak 'Tsunami Democratic' terrorismoagatik ikertzen jarraitzea babestu du ANk
Auzitegi Nazionalak Manuel Garcia Castellon 'Tsunami Democraticeko' epailearen autoa babestu du, non plataformari egotz dakizkiokeen gertakariak terrorismo delitua direla zioen. Atzera bota du, beraz, Miguel Angel Carballo fiskalaren helegitea. Honek ekintza horiek ez zirela terrorismoa zioen, desordena publikoak baizik, eta gaia Kataluniako epaitegietara bidali behar zela defendatzen zuen.
Auzitegi Gorenak otsailaren 29an 'Tsunami auzia' bere gain hartzeko eta, besteak beste, Carles Puigdemont eurodiputatu eta Generalitateko presidente ohia eta Ruben Wagensberg diputatu autonomiko kataluniarra terrorismo delituagatik auzipetzeko erabakia hartzeko erabillitako argudioetan oinarritzen du ANren Zigor Aretoak bere erabakia. Gorenak ikertu forudunak bere esku hartu zituen eta forugabeak zirenak Auzitegi Nazionalak ikertu behar zituela esan zuen.
ANren azken auto honek gogorarazten du Prozedura Kriminalaren Legeak adierazten duela Instrukzioko Epaitegi Zentralek eta Auzitegi Nazionalak "talde armatuetako kideek edo elementu terrorista edo matxinoekin lotutako pertsonek egindako delituen kausen instrukzioaz eta epaiketaz arduratzen jarraituko dutela, delitua egiteak haien jarduerari laguntzen dionean, bai eta talde edo gizabanako horien jardunarekin eta aurrekoekin lotutako delituekin lankidetzan edo elkarlanean aritzen direnen kasuan ere".
Hala, instrukzio-epailearen autoak "2019ko urriaren 14an El Prateko aireportuan eta 2019ko azaroaren 11tik 13ra AP 7 autobidean Junquerako muga-pasabidearen blokeoan gertatutakoetara mugatzen ez diren" gertaera batzuk deskribatzen dituela adierazten du ANren autoak. Eta "gertakari horien izaerari eta kalifikazio juridikoari buruz Auzitegi Gorenak iritzia 2024ko otsailaren 29ko autoan" eman zuela nabarmentzen du.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.