Podemosek Kataluniako hauteskundeetara aurkezteari uko egin dio, "ezkerra zatitzen ez" laguntzeko
Podem Catalunyako zuzendaritzak maiatzaren 12ko Kataluniako hauteskundeetarako hautagaitzarik ez aurkeztea erabaki du, "ezkerra zatitzen" ez laguntzek. Erabakia galdeketan berretsi beharko dute alderdiko militanteek.
Catalunya en Comu alderdiarekin talde parlamentarioa partekatu ondoren, En Comu Podem markaren pean, koalizio hori ezin izango da errepikatu M12ko hauteskundeetan; izan ere, Comunsek Jessica Albiach aukeratu du zerrendaburu, eta hautagaitzak osatzeko prozesuan daude.
"Katalunian ziurgabetasun eta ezegonkortasun politikoa nagusi den une honetan, ezkerra zatitzen ez laguntzea erabaki dugu, horrek eskuinari eta eskuin muturrari bakarrik egiten baitie mesede. Horregatik, Kataluniako herritarrenganako erantzukizun ariketa bat eginez, maiatzaren 12ko hauteskundeeetara ez aurkeztea erabaki dugu", azaldu du Podem Catalunyak ohar batean.
Hauteskunde-koalizioak erregistratzeko epea larunbat goizean amaitzen da, baina Podemosek uste du Comunsek "aliantza historikoa" hautsi duela, hautestontziekin aldez aurretik egindako gainerako hitzorduetara elkarrekin aurkeztu ostean, eta ez dute berriro hautagaitza bateratu bat errepikatu nahi izan.
Duela gutxi, Ada Colau buru zuen Kataluniako alderdiak adierazi zuen Podemosekin aliantzak ixteko atea irekita jarraitzen zuela, baina argi utzi zuen koalizioa zaila zela, batez ere Podemosek Sumarrekin hautsi eta Europako hauteskundeetara bakarrik joateko erabakia hartu ondoren.
Ildo horretan, azpimarratu dute Podemosek ahalik eta "akordio onenak" bilatzeko apustua egin zuela, ezkerreko Gobernu berria bermatzeko.
Horren harira, euren lehentasuna Comunsekin itun bat ixten saiatzea zen, baina Podemosetik deitoratu dute orain arte Kataluniako bazkide izan denaren jarrerak "ezinezko" egiten duela.
Horrela, Ione Belarra buru duen alderdiak hauteskunde ziklo honetan EAEko bozak eta Europako hauteskundeak soilik izango ditu helburu edo lehentasun.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.