Kataluniako indar politikoak zalantzatiak, % 40 inguru, erakartzen saiatu dira kanpainaren amaieran
Kataluniako kanpainaren azken txanpan eta itxiera-ekitaldietan, hautagai eta Estatuko buruzagien zurrunbiloa izan da, zalantzan dauden boto-emaileak, % 40 inguru, konbentzitzeko saiakeran.
Pere Aragones Generalitateko presidente eta ERCko zerrendaburuak ohartarazi duenez, Felipe VI.a erregea "Generalitateko Jauregian paseatuko da" Salvador Illa PSCko hautagaia Kataluniako Gobernuko presidentea bada, eta Esquerrari botoa ematea eskatu du hori saihesteko.
Tarragonako Moll de la Costan Oriol Junqueras alderdiko presidentearekin, Raquel Sans Tarragonako zerrendaburuarekin, Gabriel Rufian Kongresuko diputatuarekin eta Diana Riba Europako hauteskundeetarako hautagaiarekin batera egindako azken ekitaldian esan du.
Carles Puigdemont Junts+ koalizioko hautagaiak igandeko hauteskundeetan hautetsontziak betetzeko eta boto independentista bere hautagaitzaren inguruan biltzeko deia egin du, Katalunian aro berri bati hasiera emateko: "Jauntxo madrildarrak! Presta zaitezte bagatozelako berriro".
"Bidaltzen dizkiguten agindu guztiak gorabehera, nahiz eta beltzezko gizonak bidali, gure erakundeen buru jartzen zareten gobernadore zibilak, ezingo duzue gu itzultzea eragotzi. Itzuliko gara, berriro sekula alde egin behar ez izateko", aldarrikatu du Elnako ikastetxe zaharrean, kanpainaren azken mitinean, 3.500 pertsona baino gehiagoren aurrean.
Salvador Illa PSCko presidentegaiak sozialistei botoa emateko deia egin die zalantzan dauden boto-emaileei, eta JxCat eta ERCren aurka egin du, azken hamar urteetan Kataluniako autogobernua "mespretxatu" dutelako.
Kanpaina ixteko mitin jendetsuan, Pedro Sanchez Espainiako Gobernuko presidente eta PSOEko buruzagiak Illari botoa masan eta "bidezidorrik gabe" emateko deia egin die herritarrei, Katalunian "ondo irabazteko eta gobernatu ahal izateko".
Carlos Carrizosa Ciudadanoseko zerrendaburuak ziurtatu duenez, bere alderdia "Parlamentuan sartuko da berriro, eta independentismoaren akuilua izango da". Hotel batean egin du Csk kanpainako azken ekitaldia.
Jessica Albiach Generalitateko presidente izateko Comuns ezkerreko koalizioaren hautagaiak Illari leporatu dio Joan Maragall Generalitateko presidente ohia ez aldarrikatzea, baizik eta Jordi Pujol Convergenciako Generalitateko presidente ohia, eta ERCri "Juntsetik emantzipatzeko gai ez izatea".
Horrela mintzatu da kanpainaren azken ekitaldian, 1.000 pertsonaren aurrean, antolatzaileen arabera, Cornella de Llobregaten (Bartzelona), Yolanda Diaz Espainiako bigarren presidenteorde, Lan ministro eta Sumarreko buruarekin, Ernest Urtasun Kultura ministro eta Sumarreko bozeramailearekin, Ada Colau Bartzelonako alkate ohi eta BComuko liderrarekin, Jaume Asens Europako hauteskundeetarako hautagaiarekin eta Lluis Mijoler Bartzelonako bigarrenarekin batera.
Voxen azken mitinean, Bartzelonako Artos plazan, Ignacio Garriga Generalitateko presidentegaia babestu du Santiago Abascal eskuin muturreko alderdiko presidenteak. Abascalek abstentzionisten babesa eskatu du, eta abisua bota dio Puigdemonti: "Puigdemontek lapurtu egiten digu. Espainia gurea da, Katalunia gurea ere bada".
Alejandro Fernandez PPren hautagaiak esan du igande honetan PPri botoa ematea ez dela zigor boto bat, eta alderdiaren gobernatzeko bokazioa nabarmendu du.
"Ez gara protesta mugimendu bat, ez gara zigor boto bat, ez gara haserre bozkatzen duzun hori", azpimarratu du L'Hospitalet de Llobregaten (Bartzelona), PPren azken ekitaldian. Alberto Nuñez Feijoo PPko buruzagiak sozialisten eta abertzale desengainatuen botoa eskatu du, baita Vox eta Cs alderdietako hautesleena ere, "gaur Cs Kataluniako PP" dela argudiatuta.
Laia Estrada CUPeko hautagaiak zalantzatien botoa erakartzen saiatu da. "Ez gara boterearen truke mugitzen, ez ditugu aulkiak trukatzen, dena ematen dugu gure jendeagatik, gure eskubideengatik", esan du.
Azkenik, Ripoll (Girona) udalerriko alkate eta Aliança Catalana eskuin muturreko alderdi independentistako hautagai Silvia Orriolsek "boikotak" gainditzeko deia egin du: "Ez gara inoren gustukoa izatera etorri, Katalunia salbatzera etorri gara".
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.