Gaur hasiko da EAEko XIII. legealdia, Legebiltzarra osatuta
EAEko XIII. legealdia gaur hasiko da, Barkatxo Tejeria EAJko legebiltzarkidea laugarren aldiz jarraian buru izango duen Legebiltzarra osatuta. Eusko Legebiltzarrak lehen aldiz izango du EAJren eta EH Bilduren legebiltzarkide kopuru bera, 27 eserleku bakoitzak.
PSE-EEren 12 legebiltzarkideek, PPren zazpiek, Sumarrek lortu duen ordezkari bakarrak eta Voxen ordezkari bakarrak osatuko dute legegintzaldia. Legebiltzarreko Mahaia EAJko eta EH Bilduko bina kidek eta sozialista batek osatuko dute.
Eusko Legebiltzarra osatzeko osoko bilkura 10:00etan hasiko da, eta banan-banan egingo zaie deia eserlekuak beteko dituzten hautetsiei.
Ondoren, Adineko Mahaia osatuko da, osoko bilkuraren gainerako atalak zuzenduko dituena. Legebiltzarkide zaharrenek eta gazteenek osatuko dute. Emakumez bakarrik egongo da osatuta, eta Miren Gallastegi (PSE-EE), 63 urtekoa, izango da burua.
Berarekin batera, Susana Corcuera (PSE-EE), Irune Zuluaga (EAJ), Eraitz Saez de Egilaz eta Edurne Benito del Valle (EH Bildu) izango dira.
Legebiltzarreko Mahaia
Hautagaitzak aurkeztu ondoren, hiru bozketa egingo dira datozen lau urteetan Eusko Legebiltzarreko gobernu organoko bost postuetan egongo diren pertsonak aukeratzeko.
EAJk eta PSE-EEk, gobernu itun berriaren negoziaketa betean, gehiengo osoa dute (39 eserleku), eta akordio batera iritsi dira: EAJk presidentetza eta lehen idazkaritza izango ditu, eta PSE-EEk lehen presidenteordetza. Beste bi postuak EH Bildurenak izango dira.
Lehenengo bozketan, Bakartxo Tejeria hautatuko dute berriro Legebiltzarreko presidente, bere taldearen eta PSE-EEren babesarekin. Bigarrenean, presidenteordetzak izendatuko dira, lehena Susana Corcuera sozialistarentzat, eta bigarrena Eba Blancorentzat (EH Bildu).
Hirugarren bozketan bi idazkaritzak izendatuko dira, lehena Ion Aiartzak (EAJ) hartuko du, eta bigarrena Eraitz Saez de Egilazek (EH Bildu).
PP hirugarren legealdiz geratuko da ordezkaririk gabe Legebiltzarreko organo errektorean. Sumar eta Vox ere ez dira bertan izango, bakoitzak parlamentari bat duela.
Eratze-bilkura amaitzean, lehendakariak maiatzaren 16ko osoko bilkurarako deia egingo du, eta, bertan, legebiltzarkideen Bateraezintasunen Behin-behineko Batzordea aukeratuko da. Batzorde horrek maiatzaren 23ra eramango du bere irizpena.
Egun horretan jakinaraziko du Legebiltzarreko presidentea hurrengo lehendakaria izendatzeko saioa, ekainaren erdialdetik aurrera. Ziurrenik, Imanol Pradales jeltzalea izango da Auria Enea jauregiko hurrengo maizterra, eta lehen bozketan izendatuko dute, EAJren eta PSE-EEren babesarekin.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.