Anduezak uste du EH Bilduk "zailtasunak" dituela hauteskunde emaitzek eragindako "frustrazioa kudeatzeko"
Eneko Andueza PSE-EEko idazkari nagusia uzkur agertu da hurrengo Jaurlaritza osatzeko EAJrekin darabiltzaten negoziazioei buruz hitz egiteko, eta "diskrezioa" aldarrikatu du beste behin. EH Bildu hartu du ahotan, uste baitu koalizioak "zailtasunak" dituela EAEko hauteskunde emaitzek eragindako "frustrazioa kudeatzeko".
Radio Euskadiko "Boulevard" saioari eskainitako elkarrizketa batean azaldu dionez, sozialistek uko egin diete EH Bilduk biltzeko egindako proposamenari, ez baitzen horretarako "momentua". "Sentsazioa daukat EH Bilduk ez duela une politikoa ulertu, eta ez duen protagonismoaren bila dabilela. Uste zuten eurek irabaziko zituztela bozak, eta azkenean lortu ez duten protagonismo edo zentralitate bat izango zutela (...) Beste batzuek lortu dugu zentralitate hori", adierazi du. Anduezaren ustez, "goraka doan PSE-EE bat" marraztu dute azken hilabeteetako hauteskundeek.
Jeltzaleekin negoziatzen ari direnaz galdetuta, Eusko Legebiltzarrean PSE-EEren bozeramaile ere badenak berretsi du "ondo bidean" doazela eta "hainbat bloke itxita" dituztela. "Erritmo onean doaz, duela lau urte baino azkarrago agian", gaineratu du. Buruzagi sozialistak berriro esan du "edozein erantzukizun bere egiteko" prest daudela eta lehendakariorde izateko erabakia "azkena" izango dela. "Azkeneraino izango dugu suspensea", aurreratu du.
Besteak beste, jakinarazi du gobernu programak jasota edukiko duela Osakidetzak dituen arazoei aurre egiteko "profesional nahikoaz" hornitu behar dela —2.000 bat direla zehaztu du Anduezak—. Etxebizitza politikei buruz, aurreratu du "protagonismo oso garrantzitsua" izango dutela PSE-EEk kudeatzen baditu. Azkenik, Gernikako Estatutua berritzearen alde egin du, baina horretarako, azpimarratu duenez, "batzuek euren obsesio nazionalistak alde batera utzi beharko dituzte".
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.