Dena prest Espainiako Difusio Zentroan hauteskunde egunari ekiteko
Dena prest dute Espainiako Difusio Zentroan hauteskunde egunari ekiteko. Madrilen IFEMAko 12. pabiloian egokitutako zentro honetatik emango dituzte Espainian Europako Palramenturako hauteskundeetan izandako emaitzak.
Pabiloi horretan bertan aurkeztu dute hauteskunde-dispositiboa, larunbat honetan, Francesc Valles Estatuko Komunikazio idazkariak eta Susana Crisostomo Barne Ministerioko idazkariordeak.
38.087.379 herritar daude Espainiako Estatuan botoa ematera deituta, Europako Parlamentuan Espainiari dagozkion 61 eurodiputatuak aukeratzeko, azken hauteskundeetan baino bi gehiago.
09:00etatik 20:00etara, 22.576 hautesleku egongo dira zabalik, eta 58.556 hauteskunde-mahai, 70.000 hautetsontzi eta 59.000 kabina ipiniko dira horietan, herritarrek botoa eman dezaten.
10:30ean, mahaien osaerari eta izan daitezkeen gorabeherei buruzko informazioa emango dute; 14:30ean, parte-hartzearen lehen aurrerapena emango dute, eta 18:30ean, bigarrena.
Behin betiko parte-hartzearen datuak eta emaitzak 23:00etatik aurrera emango dituzte, orduan itxiko baitira hauteslekuak Italian (haiek izango dira ixten azkenak).
Crisostomok emandako datuen arabera, 582.097 lagunek bozkatu dute postaz, 2014an (erkidegoetako nahiz udal-hauteskundeekin batera egin ez ziren azkenak) botoa postaz eman zutenen bikoitza.
2014an, parte-hartzea % 43,81ekoa izan zen, Espainiako serie historikoan izandako txikiena; 2019koetan, berriz, % 60,73koa izan zen (udal eta foru hauteskundeekin batera egin ziren), 1987tik Espainiako Estatuko herritarrek lehen aldiz Europako Parlamenturako bozkatu zutenetik hirugarren parte-hartze handiena.
Bozkatzera joateko deia
Francesc Valles Komunikaziorako Estatu idazkariak Europako Parlamenturako hauteskundeetan bozkatzera joateko deia egin die herritarrei Espainiako Gobernuaren izenean.
"Demokrazia parte-hartzean ere oinarritzen da. Zenbat eta parte-hartze handiagoa, orduan eta demokrazia handiagoa. Eta argi dago hauteskunde hauetan botoa emateko arrazoi asko daudela. Espainiarrek hauteskunde hauen garrantziaz jabetzea eta egun osoan zehar botoa emateko eskubide konstituzionala erabiltzea nahi dugu", esan du Vallesek.
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".