Llarena epaileak Puigdemont Espainian atxilotzeko agindua mantendu du, Amnistia Legea indarrean sartuta ere
Pablo Llarena Auzitegi Goreneko magistratuak Carles Puigdemont Espainiako Estatuan atxilotzeko agindua mantentzea erabaki du, Amnistia Legea gaurtik indarrean badago ere.
Gaur goizean Llarenak argitaratutako ebazpenaren arabera, Carles Puigdemont eta erbestera joandako beste hiru buruzagi independentisten aurkako atxilotze aginduek "indarrean" jarraitzen dute. Ildo horretan, segurtasun indarrei gogorarazi die agindu horiek bete egin behar dituztela baliogabetzen ez diren bitartean.
Kataluniako auziko instrukzio epaile ere badenak bost eguneko epea eman die aldeei (Fiskaltza eta defentsa abokatuak), Amnistia Legea erbestera joan ziren buruzagi independentistei nola aplikatu behar zaien azaldu dezaten.
Bestalde, Kataluniako prozesua epaitu zuen Auzitegi Gorenaren Zigor Arloko Aretoak eta Susana Polo 'Tsunami Democratic' auziaren instrukzio epaileak beste bi probidentzia helarazi dizkiete aldeei, Amnistia Legearen aplikazioari buruzko alegazioak aurkeztu ditzaten.
Gaur bertan ERCko eta Juntseko auzipetuak hasi dira amnistia ofizialki eskatzen. Eskaera egin dutenen artean daude, besteak beste, Oriol Junqueras Generalitateko presidenteorde ohia, Raul Romeva, Dolors Bassa, Carles Mundo eta Meritxell Serret kontseilari ohiak, Marta Rovira ERCko idazkari nagusia, Carme Forcadell Parlamentuko presidente ohia, Josep Rull Kataluniako Parlamentuko presidente berria eta Jordi Turull Juntseko idazkari nagusia.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.