ERCko eta Juntseko auzipetuak hasi dira amnistia ofizialki eskatzen
Amnistia Legea Estatuko Aldizkari Ofizialean (BOE) argitaratu eta berehala, ERCko 37 auzipetuen defentsek, Oriol Junquerasenak barne, eskaera formalak aurkeztu dituzte araua aplikatu dadin eskatzeko. Josep Rull Kataluniako Parlamentuko presidente berriaren defentsak eta Jordi Turull Juntseko idazkari orokorrarenak ere urrats berbera eman dute gaur goizean.
ERCk ohar batean azaldu duenez, lege organikoa onartu eta ordu gutxira egin dute eskaera.
Besteak beste, Oriol Junqueras Kataluniako Gobernuko presidenteorde ohia, Raul Romeva, Dolors Bassa, Carles Mundo eta Meritxell Serret kontseilari ohiak, Marta Rovira ERCko idazkari nagusia, Carme Forcadell Parlamentuko presidente ohia, Anna Simo, Ruben Wagensberg, Josep Maria Jove, Lluís Salvado, Natalia Garriga eta Xavier Vendrell daude auzipetuta.
Josep Rull Parlamentuko presidente berriaren abokatuek ere amnistia eskatu dute, aurrekari penalak ezabatzeko helburuarekin. Jordi Turull Juntseko idazkari nagusiak ere araua aplikatzea eskatu du, Auzitegi Gorenak ezarri zion 12 urteko kargugabetzeari amaiera jarri ahal izateko.
Bestalde, Omnium Culturalek amnistia eskatu du ofizialki Oleguer Serra Zuzendaritza Batzordeko kidearentzat ('Tsunami Democratic'-en aurkako auzian terrorismoa egotzi zioten).
Gaur bertan argitaratu da
Estatuko Aldizkari Ofizialak gaur goizean argitaratu du Amnistia Legea. Orain, bi hilabeteko epea zabaldu da epaileek eta auzitegiek aplika dezaten.
Felipe VI.a erregeak eta Pedro Sanchez Espainiako Gobernuko presidenteak sinatutako dekretuak Kongresuak joan den ostegunean gehiengo osoarekin babestu zuen araua jasotzen du.
Sanchezen inbestidurari babesa ematearen truke PSOEk ERCrekin eta Juntsekin egindako itunetatik sortu zen neurria, eta 2011ko azaroaren 1etik 2023ko azaroaren 13ra bitartean mobilizazio independentistetan parte hartu zutenei amnistia onartzea du helburu.
2014ko azaroaren 9ko kontsultagatik eta 2017ko erreferendum independentistagatik zigortutakoei eragingo die. Horrez gain,m Auzitegi Gorenaren epaiaren aurkako ondorengo istiluengatik irekitako ikerketak artxibatzea ahalbideratuko du.
Felix Bolaños Presidentetza, Justizia eta Gorteekiko Harremanetarako ministroaren arabera, arauak 372 pertsona babestuko ditu.
Orain, epaileek eta auzitegiek bi hilabeteko epea dute aplikatzeko. Hori bai, epe hori eten egingo da gaia Europako justiziara eramaten bada. Aldizkari ofizialak konstituziokontrakotasun errekurtsoak aurkezteko epea ere ireki du. Dagoeneko, PPk iragarri du errekurritu egingo duela.
Zure interesekoa izan daiteke
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.