Albiste izango dira: Alderdiak inbestidurara begira, aurkikuntza arkeologikoa Bizkaian eta Gazako egoera
Honako gai hauek hartuko dituzte gaur, 2024ko ekainaren 12an, hedabideetako lerroburu nagusiak:
- EAEko alderdiak, inbestidurara begira: Imanol Pradales lehendakari izendatuko dute ekainaren 20ko inbestidura saioan, EAJk eta PSE-EEk Eusko Jaurlaritza osatzeko aurreakordio programatiko bat lortu ostean. Hala ere, ez da hautagai bakarra izango, EH Bilduk Pello Otxandiano aurkeztuko baitu inbestidurara. EH Bilduren ustez, "EAJ-PSEren jardunbideak agerian uzten du Pello Otxandiano hautagai gisa aurkezteko eta bere herri proiektua planteatzeko beharra", jeltzaleek eta sozialistek lehendakariaren inbestidura saioa tramite huts gisa deitu zutela iritzita.
- Aurkikuntza arkeologikoa Bizkaian: Bizkaian aurkitutako duela 150.000 urte baino gehiagoko fosilen aurkikuntzan oinarritutako ikerketa arkeologikoaren emaitzen aurkezpena egingo dute Bilboko Arkeologia Museoan. Fosil horiek Euskal Herriko Unibertsitateko Geologia Saileko Asier Gomez Olivencia buru duen ikerketa-taldeak aztertu ditu.
- Gazako egoera: AEBk Gazarako egindako su-eten proposamena Hamasek babestu izanak itxaropena piztu du Ekialde Hurbilean. Azken orduetan zabaldutako ohar batean, Hamas prest agertu da bitartekariekin "elkarlanean" aritzeko eta negoziatzen hasteko, besteak beste, su-eten proposamenak "gure herriaren eskaerekin eta gure erresistentziarekin" bat egiten duelako. Hamasen jarrera ezagutu berritan, AEBk adierazi du Hamasen erantzuna aztertzen ari direla.
Zure interesekoa izan daiteke
Kongresuak "blokeo politikoa" dagoela egiaztatu du eta ustelkeriagatik "ardura hartzeko" eskatu dio Sanchezi
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek euskara Nafarroako berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.