Itxaso Atutxak ez du baztertzen PSE-EEk Jaurlaritza berrian sailburu bat gehiago, lau, izatea
EAJk eta PSE-EEk Eusko Jaurlaritza berria osatzeko akordio programatikoa lortu ondoren, orain bi aldeak gobernu berriaren egitura eta sailburuen izenak negoziatzen ari dira. Sozialistek esana dute lau sailburu izan nahi dituztela, orain baino bat gehiago, eta Itxaso Atutxa EAJren Bizkai Buruko Batzarreko presidenteak ez dio aukera horri aterik itxi.
Euskadi Irratiko "Faktoria" saioan egin dioten elkarrizketan Atutxak adierazi duenez, "izan daiteke, baina ez dago ezer itxita". Horren iritziz, Alderdi Sozialistak emaitza "onak" lortu zituen Eusko Legebiltzarrerako hauteskundeetan eta bere ordezkaritza "hobetu" zuen eta, beraz, hori ere kontuan hartu behar da.
Azken hauteskundeetako emaitzak kontuan hartuta, EAJren antolaketa eta egitura "egokitu" egin behar direla nabarmendu du Atutxak, bere esanetan, "aurreko mendeko bigarren zatikoa" delako. Gaineratu duenez, gai horri heldu beharko diote urte amaieran edo datorren urte hasieran egingo duten Aberri Batzarrean (Asanblada Nazionala). Halaber, alderdiak herriari egiten dion eskaintza gaurkotu beharraz ere hitz egin du.
Bestalde, lehendakariari aukeratzeko inbestidura saioari begira, Atutxaren ustez, zilegi da EH Bilduk Pello Otxandiano inbestidurara aurkeztea. Hala ere, ez du uste inbestidura saioa alderdi batek bere programa aurkezteko momentua denik. Aitzitik, Imanol Pradalesek EAJ eta PSE-EEren gobernu programa azalduko duela azpimarratu du.
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".