Fiskal nagusiak amnistia legea aplikatzeko agindu die Kataluniako prozesuko fiskalei eta horiek uko egin diote
Espainiako Estatuko fiskal nagusiak, Alvaro Garcia Ortizek, Kataluniako prozesu independentistan esku hartu zuten lau fiskalei agindu die eska diezaiotela Auzitegi Gorenari amnistia legea buruzagi kataluniarren aurkako auzi guztietan aplikatzeko. Lau fiskalek, aldiz, uko egin diote agindutakoa betetzeari.
Garcia Ortizek txosten juridiko bat igorri die fiskalburuei, eta Fiskalen Batzordea deitu du astearterako, Gorenak zigortutako buruzagi kataluniarrei amnistia legea aplikatzeari buruz duen jarrera zehazteko. Horixe da, hain zuzen ere, Kataluniako prozesu subiranistako fiskalek idatziz eskatu zutena, ez baitzuten begi onez ikusi diru publikoa bidegabe erabiltzearekin lotutako delitua barkatzea.
Fiskal nagusiak, baina, arrazoi horrengatik zigortutako lau buruzagi kataluniarrei (Oriol Junqueras presidente ohiari eta Raul Romeva, Jordi Turull eta Dolors Bassa kontseilari ohiei) amnistia emateko galdegin du, baita ihes egin zuten Carles Puigdemont presidente ohiari eta Toni Comin eta Lluis Puig kontseilari ohiei ere (diru publikoa bidegabe erabiltzeagatik eta desobedientzagatik auzipetu zituzten).
Fiskal nagusiari bidalitako idatzian, agindua ez dela bidezkoa eta "legeen aurkakoa" dela erantzun diote Javier Zaragoza, Consuelo Madrigal, Jaime Moreno eta Fidel Cadena fiskalek.
Aipaturiko fiskalek aurretiko txostenean egin zuten bezala, auzi horretatik kentzeko eskatu diote fiskal nagusiari, baldin eta diru publikoa bidegabe erabiltzearekin lotutako delitua barkatzeko irizpideari eusten badio.
Edozein kasutan, fiskal nagusiak izango du azken hitza.
Gorenak bertan behera utzi ditu "aldi baterako" Puigdemonten eta Wagensbergeren zitazioak
Auzitegi Goreneko magistratu Susana Polok "aldi baterako" bertan behera utzi ditu Carles Puigdemont presidente ohia eta Ruben Wagensberg ERCko diputatu ohia Tsunami Democratic auziarekin lotuta epaitegietara deitzeko egindako eskaerak.
Aitzitik, ez du Puigdemonten auzian emandako ebazpenaren ohartarazpena geldiarazi.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.