PSOEk eta PPk akordioa lortu dute BJKN "berehala" berritzeko
PPk eta PSOEk akordioa lortu dute, Vera Jourova Europako Batzordeko presidenteordearen aurrean, Botere Judizialaren Kontseilu Nagusia (BJKN) "berehala" berritzeko, Europako Batzordeak 2022ko eta 2023ko Zuzenbide Estatuari buruzko txostenean gomendatzen zuen bezala, iturri sozialistek baieztatu dutenez.
Felix Bolaños Presidentzia, Justizia eta Gorteekiko Harremanetarako ministroak eta Esteban Gonzalez Pons PPko idazkariordeak Botere Judizialaren Kontseilu Nagusia berritzeko akordioa sinatu dute arratsaldean Jourovaren aurrean.
Akordioa sinatzeko ekitaldia, sei hilabeteko negoziazioen ostean, Europako Batzordearen bitartekaritzarekin, Bruselan egin dute. Bi ordezkariek sinatu dute akordioa Jourovaren begiradapean.
Halaber, bi alderdiek lege organiko proposamen bat aurkeztea adostu dute, "Botere Judizialaren independentzia indartuko duena, Europako Batzordeak Espainiari buruzko, 2022ko eta 2023ko Zuzenbide Estatuari buruzko, txostenean gomendatzen duen bezala". Gainera, Auzitegi Konstituzionaleko magistratu berri bat izendatzea erabaki dute.
PSOEk eta PPk Jose Maria Macias Castaño Botere Judizialaren Kontseilu Nagusiko egungo kidea Konstituzionaleko magistratu izendatzea erabaki dute. PPko iturriek jakitera eman dutenez, Macias oso kritikoa izan da azken hilabeteetan amnistia legearekin.
Bost urte eta erdi, agintaldia iraungita
Hala, sozialistek eta Alderdi Popularrak akordioa lortu dute iraupen luzeeneko Botere Judizialaren Kontseilu Nagusia berritzeko; izan ere, bost urte eta erdi eman ditu agintaldia iraungita.
Egungo Botere Judizialaren Kontseilu Nagusia 2013ko abenduaren 4an eratu zen, eta bost urte geroago agortu zen bere agintaldia. Ordutik aurrera, PSOEk eta PPk hurrengo Kontseiluaren osaera adostu behar zuten.
Botere Judizialaren Kontseilu Nagusi berriak premiazko eginkizunen artean izango du Auzitegi Gorenak dituen 25 magistratu-postu (plantillaren % 30) eta Justizia Auzitegi Nagusietako beste 38 betetzea, epaileen gobernu-organoak 2021etik ezin izan baitu agintaldia iraungita zegoela izendapen berririk egin.
Erreakzioak
Jourovak akordioa txalotu du. Europako Batzordeko presidenteordearen hitzetan, akordioak "aspalditik dagoen kezka bati heltzen dio, eta Espainiako botere judizialaren egoera hobetzen du", Bruselak Espainiako zuzenbide-estatuaren egoerari buruz behin eta berriz egindako gomendioei helduz.
Ponsen hitzetan, akordioaren ondorioz, Espainiako Justizia "independenteagoa" da eta "politikatik eta politikarien eraginetik urrunago dago".
Alderdi Popularreko ordezkariaren esanetan, "gezurra badirudi ere, albiste onak oraindik badaude, eta itxaropena ere bai". "Gaur egun ona da independentzia judizialerako, zuzenbide-estaturako eta gure erregimen konstituzionalerako", azpimarratu du.
Bolañosek uste du Botere Judizialaren Kontseilu Nagusiko 20 kide berriek eta hamabi ordezkoek uztailean ekin ahal izango diotela lanari, "zilegitasun osoz eta euren misioa aurrera eramateko agindu batekin".
Ministroak azpimarratu du berrikuntza hori indarrean dagoen legearen arabera egiten dela, eta "zalantzarik gabe eskarmentu, izen on eta ospe handia" duen bokal-talde bat dela.
Zure interesekoa izan daiteke
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.
Zergatik alda dezake hesi berriak Ceutako mugaren kudeaketa?
Azpiegitura berriak 500 metro ditu, eta berehalako itzulketen inguruko auzi juridiko bati erantzun nahi dio.
Marlaskaren arabera, Maroko "ez da mehatxua", eta Ceutara iritsitako migratzaileek ezingo dute euren egoera erregularizatu
Barne ministroak adierazi du Espainiako Gobernua lanean ari dela uztailaren 30ekoa bezalako sarrera masiborik berriro gerta ez dadin, baina onartu du ezin duela bermatu halakorik berriro ez gertatzea.
Sanchezek EBko Barne ministroen premiazko bilera eskatu du, Ceutako migrazio krisiaren harira
Espainiako Gobernuko presidenteak "kezka larria" helarazi dio Ursula von der Leyeni Europako zenbait gobernuren erreakzioagatik, eta Italiak iragarritako mugen itxiera gogor kritikatu du.
Espainiako Gobernuak hesi bat jarri du Ceutan, mugako morruan
Auzitegi Gorenak ebatzi zuen "mugako elementuak" gainditzen dituztenak bakarrik itzul daitezkeela heldu eta berehala. Hesia jarrita baldintza hori bete nahi dute.
Milaka migratzaile Marokora itzuli dira jada, Ceutara masiboki iritsi ondoren
Armadak bere tankeak jarri ditu kai-muturretik hirirako sarbidean, sakabanatzea eragozteko. Hildako etorkinak 57 dira jada. Pedro Sanchezek Espainiaren lurralde-osotasuna urratu dutela salatu du Ceutatik.
Italiak Schengen akordioa eten du Espainiarekin, eta kontrolak ezarri ditu portu eta aireportuetan
Gutxienez hilabetez, kontrolak ezarriko dizkie Espainiatik doazen eta europar jatorria ez duten bidaiariei; Europar Batasuneko gainerako herrialdeetatik doazenek, berriz, ez dituzte kontrol horiek gainditu beharko.