Angel Berrueta eta haren senideak polizia indarkeriaren biktima gisa aitortu ditu Nafarroako Gobernuak
Angel Berrueta eta haren senideak polizia indarkeriaren biktima gisa aitortu ditu ostiral honetan Nafarroako Gobernuak, haren hilketaren hogeigarren urteurrenean, 16/2019 Foru Legeari jarraiki. Zehazki, eskuin muturreko taldeek edo funtzionario publikoek eragindako motibazio politikoko ekintzen biktimak aitortu eta erreparatzeko prozedura arautzen du lege horrek.
Madrilgo M11ko atentatuak izan eta bi egunera hil zuten okina Valeriano de la Peña polizia nazionalak eta haren seme Miguel Jose de la Peñak. Aurrez, Maria Pilar Rubio bi hiltzaileon emazte eta amak eztabaida izan zuen Berruetarekin, azken horrek okindegiko erakusleihoan M11ko atentatuak ETArekin lotzen zituen kartel bat jartzeari uko egin ziolako.
Ika-mikaren ondotik, emakumea oihuka atera zen dendatik, "puta seme hori akabatuko dut" esanez, eta handik minutu gutxira, atzera berriz bertara itzuli zen senarra eta semea lagun hartuta. Bi horiek pistola eta aihotz banarekin hil zuten Berrueta.
2005ean Nafarroako Lurralde Auzitegian egin zen epaiketan, herri epaimahaiak ebatzi zuen "motibazio ideologikoak" eragindako gertakaria izan zela, eta 20 urteko espetxe-zigorra ezarri zion Valeriano de la Peñari, eta 15ekoa semeari.
Emakumea ere zigortu zuten, baina ondoren Nafarroako Justizia Auzitegi Nagusiak absolbitu egin zuen. Orduan Foru Erkidegoko fiskal nagusi zen Javier Muñoz Cuestak "bizilagunen arteko liskar" baten ondorio jo zuen gertatutakoa.
Alabaina, erailketaren ostean eta epaiketa izan zen bitartean, irainak, mehatxuak eta presioak pairatu zituzten haren senideek. Testuinguru horretan, Iruñeko Udaleko Udalbatzak "Angel Berrueta eta bere familia motibazio politikoko biktima gisa aitortzea" eskatu zion berriki Nafarroako Gobernuari.
Onartutako testu horren arabera, hilketa "Alderdi Popularraren Gobernuak nahita sustatutako amorru politikoaren giroan izan zen, Madrilgo M11ko atentatuen ostean", eta "Justizia Auzitegi Nagusiak larrigarri gisa aitortu zuen motibazio ideologikoa, izaera politikoko krimena izan zela baieztatuz".
Azken asteotan, Nafarroako Gobernuak polizia indarkeriaren biktima ugari aitortu ditu. Nafarroako Pertsona Torturatuen Sareak jakitera eman duenez, honako hauek dira aitortza berriki jaso dutenak: Iker Moreno, Iker Aristu, Ohian Ataun, Garbiñe Urra eta Mikeldi Diez.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.