Rovira, Kataluniara iritsi ostean: "Erdizka utzi genuen lana amaituko dugu"
Marta Rovira ERCko idazkari nagusia Katalunian da jada. 'Tsunami Democratic' auzia artxibatu ostean itzuli da, Manuel Garcia-Castellon Auzitegi Nazionaleko epailearen akats prozesal baten ondorioz. Buruzagi errepublikanoa Genevan (Suitza) egon da 2018ko martxotik.
Independentismoak bere helburuak lortzeko elkartu egin behar dela azpimarratu du Rovirak: "Hasi genuen lana amaitzeko bildu gara hemen". "Noiz ahaztu genuen elkartuta indartsuagoak garela?", galdetu du Rovirak harrera ekitaldian.
Buruzagi errepublikanoak 08:30 aldera zeharkatu du La Jonquerako (Girona) muga, ostegunean Suitzatik abiatu ostean. Harekin batera itzuli dira Ruben Wagensberg, ERCko diputatua; Oleguer Serra, Omnium Culturaleko lehen presidenteordea; Josep Campmajo, enpresaria; eta Jesus Rodriguez, kazetaria.
Autoz iritsi dira bostak, 07:00ak aldera hainbat buruzagi independentistak Salsesen (Frantzia) harrera egin ostean, Emili Armengolen 'Porta dels Països Catalans' monumentuan, hain zuzen ere.
Lehen ekitaldia 09:00etan izan da, Cantallopsen (Girona). Bertan, 'Tsunami Democratic' auzian ikertutako pertsonak elkartu dira, eta, ondoren, euren jardunekin jarraitu dute. Ildo horretatik, Omnium Culturalek 13:00etan Bartzelonan egingo duen harrera-ekitaldian izan dira batzuk.
"Eskerrik asko jaso dugun elkartasun guztiagatik", esan du Rovirak, eta Suitzan igaro duen denbora honetan lagun izan dituen herritarrei eskerrak eman dizkie babesagatik.
"Erbestean dauden pertsonen eskubideengatik borrokatu behar dugu. Amnistia Legea oraindik aplikatu ez zaien pertsonak daude", esan du Wagensbergek, manifestazio independentistetan parte hartu zutenak gogoan izanda.
ERCko idazkari nagusiak beti esan izan du Kataluniara itzuliko zela auzia ixten denean, eta asteartean aurreratu zuen ERCko emakumeen batzar batean parte hartzeko asmoa, larunbat honetan, Olesa de Montserraten (Bartzelona).
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.