AHTaren loturaren inguruan Puente ministroak esandakoarekin “harrituta” agertu da Eider Mendoza
Eider Mendoza Gipuzkoako ahaldun nagusia "harrituta" agertu da Oscar Puente Garraio eta Mugikortasun Iraunkorreko ministroak aste honetan esandakoekin. Puente Abiadura Handiko Trenaren konexioaren inguruan aritu da, eta EAE eta Nafarroa arteko lotura "Gasteiztik egitea aukerarik onargarriena" dela esan du.
Radio Euskadiko Crónica Fin de Semana saioari eskainitako elkarrizketan, Mendozak adierazi du "ulergaitza" egiten zaiola orain esatea "azken orduko aldaketa egiteko arrazoiak arazo teknikoak izatea". Lotura Ezkio-Itsasotik egitearen alde agertu da Mendoza, lotura Gasteiztik egitea "ingurumen ikuspegitik askoz ere okerragoa izango litzatekeelako". Horrek, gainera, atzerapena ekarriko lukeela esan du, "denbora bikoitza" beharko bailitzateke.
Gipuzkoako ahaldun nagusiaren ustez, "zilegi da Gasteizko alkatea Gasteizko loturaren alde agertzea", baina Ezkio-Itsasoko lotura da "onena Gipuzkoarentzat eta herriarentzat".
Halaber, gaineratu duenez, Puente ministroari zuzenean eskatu diote bilera, Estatu idazkariak orain arte ez baitu onartu elkarrekin biltzeko egindako eskaria; izan ere, "horren iritzian ez dago aparteko informaziorik guri emateko", ahaldun nagusiaren esanetan.
Fiskalitatea
Erreforma fiskalerako lantaldearen txostena Batzar Nagusietan onartu izanaz ere mintzatu da Mendoza. "Tresna fiskalak oso ondo funtzionatu du, eta krisi egoerei ondo erantzun die, baina orain erronka berriak daude", gaineratu du. "Erronka demografikoa dago, etxebizitzarena, gazteriarena, baita pertsonak erakartzearena ere, talentua erakartzearena, eta erronka horiek guztiak zerga arloan ere txertatu behar ditugu. Erronka horiek guztiak lantaldearen testuan sartu dira, talde politikoek kontrako botorik eman gabe, eta hori oso garrantzitsua da ", azpimarratu du.
Araua urte amaierarako onartzeari begira, ahaldun nagusiak uste du EH Bildu izan daitekeela beste fiskalitate bat aurrera ateratzen lagunduko duena. "Hori izatea gustatuko litzaidake, EH Bilduk, EAJk eta PSEk herritarren % 90 ordezkatzen baititugu, eta, beraz, oso mezu positiboa litzateke herritarrei helaraziko geniekeena. Alderdien ardura da", adierazi du.
Azkenik, eta Eusko Jaurlaritza berriari dagokionez, "legegintzaldi hasiera" indartsu ari dela bizitzen nabarmendu du; "ilusio handia dute dituzten proiektuak, erronkak, aurrera eramateko".
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.