Puigdemontek asteartean Turullekin afaldu zuen Bartzelonan, eta dagoeneko "etxean" dago
Carles Puigdemont Kataluniako presidente ohiaren itzuleraren eta ihesaren inguruko datu gehiago zabaldu dira gaur. Jordi Turull Juntseko idazkari nagusiak jakinarazi duenez, asteartean berarekin afaldu zuen Bartzelonan, hots, Kataluniako hiriburuan jendaurrean azaldu baino bi egun lehenago. Horrez gain, Turullek berak eta Gonzalo Boye abokatuak baieztatu dute presidente ohia Espainiako Estatutik kanpo dagoela, "etxean". "Leku seguru batean dago, Bartzelonatik, Kataluniatik eta Estatutik kanpo", erantsi du abokatuak.
Rac1 irrati kateari eskainitako elkarrizketan, Turullek azaldu du Puigdemont ezkutuan iritsi zela Kataluniara, osteguneko agerraldia egin baino bi egun lehenago: "Bartzelonan egin zuen lo asteartean" (ez du zehaztu non).
Bestalde, Radio Euskadin egin dioten elkarrizketan (aurrez Rac1 irrati katean izan da), Boyek ez du argitu nahi izan non dagoen Juntseko buruzagia: "Ez dakit non dagoen, bart hitz egin dut berarekin; etxean dagoelakoan nago, lanean". Horren esanetan, Puigdemonti dagokio azalpenak egitea, eta "gaur-biharretan mezu publikoa zabalduko du", iragarri du.
Abokatuak nabarmendu duenez, Kataluniako presidente ohiaren asmoa zen "Bartzelonara joatea eta etxera bueltatzea, hori da normalena". Izan ere, "inori ez zaio atxilotua izatea gustatzen amnistiatuta egon beharko luketen gertakari batzuengatik".
Justizia oztopatzea egotzita Turull deklaratzera deitu dutela eta, gogor hitz egin du erabakia hartu duen epailearen kontra: "Jakin nahiko nuke nor den gertakariok delitu direla dioen analfabetoa". Puigdemonten ondoan egon zelako balizko ikerketa baten beldur ote den itaunduta, ironiaz erantzun du: "Gimnasiotik atera berritan harrapatu nauzu".
Azkenik, Llarena epaileak argibideak eskatu dituela eta, Boyek Puigdemont atxilotzeko euroagindua emateko deia egin dio Auzitegi Goreneko magistratuari. Dena dela, aurreratu du ez dela halakorik gertatuko; izan ere, "jakin badaki amnistiari buruz hartu duen erabakia Pirinioetatik haratago ez litzatekeela onartuko".
Bartzelonan hitzaldi laburra egin zuenetik ez dago presidente ohiaren berririk. Mossoek hura bilatzeko eta atxikitzeko operazioa jarri zuten martxan atzo, alferrik. Ingurumari horretan, bi agente atxilotu zituzten ihesean lagundu ziotelakoan, eta Jordi Turull deklaratzera deitu du Bartzelonako guardiako epaile batek. Gainera, Pablo Llarena Auzitegi Goreneko epaileak txosten bana eskatu die Esquadra Mossoei eta Barne Ministerioari, Generalitateko presidente ohia atxilotzeko planifikatutako polizia-operatiboari buruz eta haren porrota eragin zuten elementuei buruz.
Mossoen buruzagitzak eta Joan Ignasi Elena Kataluniako Gobernuko jarduneko Barne kontseilariak agerraldia egingo dute goizean operazio horri buruz argibideak emateko.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.