Lehendakariak asteon abiatuko du bere agenda publikoa, osasun ituna eta kode etikoa lehenetsita
Imanol Pradales lehendakariak asteon ekingo dio agenda publikoari eta, ostegunean, abuztuko geldialdiaren osteko lehen Gobernu Kontseilua zuzenduko du. Bileran bi gaik hartuko dute protagonismoa: Osakidetza hobetzeko "herri ituna" adosteko elkarrizketak, eta EAEn politikagintzan aritzeko Legebiltzarreko taldeei proposatuko dien kode etikoa.
Ohitura den bezala, uda ondorengo lehen Kontseilua Donostiako Miramar Jauregian egingo dute. Bertan, lehendakaria zein sailburu guztiak bilduko dira urte berrirako helburuak aztertzeko eta, ondoren, familia argazkia aterako dute, Jauregiko eskaileretan.
Pradalesek uztailean jendaurrean aurreratu zuen itun etikorako planteamenduaren nondik norakoak azalduko dizkie Jaurlaritzako kideei. Akordio horren helburua da, Espainiako politikagintzan ez bezala, Euskadin, muga etiko bat ezartzea ordezkari politikoen artean izan beharreko jarrera eta praktiketan. Sailburuei berri eman ostean, lehendakariaren asmoa da plana Legebiltzarrean aurkeztea, han ere eztabaidagai izan dezaten.
Jakina denez, urte politiko berriaren beste konpromiso handia Osakidetzaren egoera hobetzea da eta, horretarako, irailaren 5ean bilduko da osasun itunerako mahaia. Batzarra Alberto Martinez Osasun sailburuak deitu du, eta lehendakariak berak ere parte hartuko du lehen hitzordu horretan.
Bestalde, Nafarroako eta Ipar Euskal Herriko agintariekin dagoen hartu-emana indartzeko borondatea ere badu lehendakariak. Hala, aldebiko bilerak hitzartu nahi ditu Maria Chivite Nafarroako presidentearekin eta Iparraldeko zein Akitaniako goi-ordezkariekin.
Azkenik, lehen gobernu kontseiluaren bezperan, asteazkenean (hilak 28), egingo du UGTrekin zintzilik geratu zen bilera. Agenda arazoak tarteko, batzar hori ezin izan zen uztailean egin (orduan bildu zen Pradales sindikatuekin), eta, esan bezala, asteon burutuko dute azkenean.
Pradales ekainaren 20an izendatu zuten lehendakari. Uztailean, agenda instituzional zabala izan zuen, alderdi politikoekin, sindikatuekin, patronalarekin eta elkargo profesionalekin bilerak egin zituen, egoera sozioekonomikoa aztertzeko, eta Ajuria Enean Pedro Sanchez Espainiako Gobernuko presidentea ere hartu zuen. Abuztuan, ordea, ez du ia presentzia mediatikorik izan.
Esan bezala, lehendakariaren zein Jaurlaritza berriaren jardun publikoa asteon berrabiatuko da. Eusko Legebiltzarrean, ordea, iraila amaierara arte ez da espero ohiko jarduna. Ganbera ekainaren 30etik dago geldituta, eta Mahaia hilaren 3an bilduko den arren, XIII. Legegintzaldiko lehen osoko bilkurak 26an (arrunta) eta 27an (kontrolekoa) izango dira.
Zure interesekoa izan daiteke
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.