Edmundo Gonzalez Venezuelako presidente hautetsi gisa aintzatesteko eskatu dio Kongresuak Gobernuari
Edmundo Gonzalez uztailaren 28ko Venezuelako hauteskundeetako irabazle eta beraz, Venezuelako presidente hautetsi gisa aitortzeko eskatu dio Espainiako Diputatuen Kongresuak Espainiako Gobernuari Alderdi Popularraren, Voxen, UPNren, Coalicion Canariaren eta Eusko Alderdi Jeltzalearen aldeko botoekin.
Ekimenak eskaera gehiago dakartza, hala nola, Nicolas Maduroren gobernuari "errepresioa berehala bertan behera uzteko" eskatzea, Venezuelako buruzagiei zigorrak "berriro ezartzea" eta Carter Zentroaren agerraldia babestea.
PPk aurkeztutako legez besteko proposamenak aldeko 177 boto, kontrako 164 eta abstentzio bat (Jose Luis Abalosena) izan ditu. Hala ere, ez du ondorio praktiko edo juridikorik.
EAJren aburuz, proposamen hori ez babestea Nicolas Maduroren garaipena onartzea litzateke. Hori dela eta, inbestidurako alderdien taldetik irten eta baiezko botoa eman du.
Ekimena asteartean, irailak 10, eztabaidatu zen Kongresuan, udako oporren osteko lehen osoko bilkuran.
Junts per Catalunyak ez zuen eztabaidan bere jarrera azaldu eta bozketaren unean kanpoan egon da, Bartzelonako Diadako ekitaldietara joan ahal izateko. Bere garaian, asteazken honetako ekimenak asteartean edo ostegunean bozkatzeko eskatu zion Mahaiari, baina ez du haren eskaria aintzat hartu.
Venezuelako oposizioko hainbat kidek bertatik bertara jarraitu zuten eztabaida, tartean Carolina Gonzalezek ere, igandetik asilo politikoa jaso zain Madrilen dagoen Edundo Gonzalezen alabak.
Europako Parlamentua, Kongresuaren urratsaren atzetik
Europako Parlamentuak irailaren 17an eztabaidatuko du Venezuelako emaitzen inguruan, Josep Borrell EBko Atzerri Politikarako goi ordezkariarekin batera. Ebazpenari buruzko bozketa irailaren 19an, osteguna, egingo da.
Oihane Agirregoitia EAJko europarlamentariak Renew Europe alderdiaren izenean proposatutako ebazpenaren bidez, oposizioko hautagaia hauteskundeetako irabazle gisa onartu eta Latinoamerikako herrialdearen egoera politikoa salatu nahi da.
Gobernuak ez dio Kongresuaren eskakizunari jarraituko
Venezuelarekin "negoziatzeko tartea" izan nahi du Espainiako Gobernuak eta, hortaz, ez du berehalakoan Gonzalez onartuko. Hala baieztatu du Pedro Sanchez Espainiako gobernuburuak. Horrez gain, Europar Batasunean jarrera bateratua lortzeko lanean ari dela nabarmendu du. Espainiaren jarrera "zentzuzkoa" dela uste du Sanchezek, eta oposizioari aurpegiratu dio gobernuaren ekimen guztien aurka egitea.
Espainiarekiko harremanak eteteko eskatuko dio Venezuelako Parlamentuak Madurori
Kongresuaren proposamenaren ostean, Venezuelako Parlamentua ebazpen bat prestatzen ari da Nicolas Maduroren Gobernuari eskatzeko Espainiarekin "harreman diplomatiko, kontsular, ekonomiko eta komertzial guztiak" hausteko.
Venezuelako Gobernuaren errefusa
Diosdado Cabello Venezuelako Barne ministroak errefusatu egin du Espainiako Kongresuaren proposamena, eta "kolonialismoarekin" lotu du: "Zer demontre esan behar du Espainiako Kongresuak Venezuelako barne arazoei buruz?".
"Kolonia garela uste dute, eta inperioa direla uste dute. Hemendik bota genituen duela 300 urte, eta berriro botako ditugu Venezuelako barne arazoetan sartzen saiatzen diren bakoitzean", esan du Cabellok, eta gehitu du oposizioak "mundu osoaren gaitzespena" jaso beharko lukeela.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.