Frankisten iritsiera geldiarazteko ahaleginean hil ziren 14 gudari eta miliziano omendu dituzte Elgoibarren
1936ko irailaren 25ean Zirardamendi-Aiastiako frontean (San Migel) hil ziren 14 gudari eta milizianoen omenez Elgoibarko Udalak urtero antolatzen duen lore-eskaintzan parte hartu dute erakunde, memoria-elkarte eta Sabino Arana Fundazioko hainbat ordezkarik.
Jose Txintxurreta, Paulino Beraza, Juan Zabala, Blas Larrazeleta, Ambrosio Etxebarria, Felipe Elorriaga, Sabin Atutxa, Emeterio Llavori, Eusebio Gaubeka, Juan Agirre, Imanol Etxebarria, Marcelino Gandarias, Miguel Palacio eta Felix Arbulu omendu dituzte.
Maialen Gurrutxaga Elgoibarko alkatea buru zela, 14 gudari eta miliziano horiek lurperatzeko baliatu zituzten hobi komunak bisitatu dituzte. 2012an atera zituen Aranzadi Zientzia Elkarteak gorpuak hobi horietatik.
Omenaldia amaitzeko, 1952an Jose Landa eta Jose Maria Otxoa de Txintxetru gudariek kideen omenez jarri zuten gurutzean lore-eskaintza egin dute. Senideak, lagunak, agintariak eta erakundeetako ordezkariak ere izan dira bertan. Hauek, besteak beste: Aitor Esteban EAJk Kongresuan duen bozeramailea, Aitor Miñambres Berangoko Burdin Hesiaren Oroimenezko Museoko zuzendaria, Maria Eugenia Arrizabalaga legebiltzarkidea, Bittori Zabala Gipuzkoako Foru Aldundiko Zerga eta Finantza Politikako zuzendaria, Alfredo Etxeberria Elgoibarko alkate ohia eta Udalaren egungo korporazioko kideak.
Hilobi komunetara egindako bisitan, gudari eta miliziano gazte horien "sakrifizioa" nabarmendu du Iñaki Goiogana Sabino Arana Fundazioko historialariak, eta "memoria historikoa elkarbizitzarako eta adiskidetzerako giltzarri" dela defendatu du.
Zure interesekoa izan daiteke
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.