Peinado epaileak aldeei eman die Sanchezen grabazioa, eta hedabideetara filtratu da ordu gutxi batzuk geroago
Juan Carlos Peinado epaileak, Begoña Gomez Espainiako Gobernuko presidentearen emaztea ikertzen ari denak, bi aldeak deitu ditu gaur, zitazioaren grabazioa emateko. Handik ordu gutxira, grabazio hori komunikabideetara filtratu da. Peinadok Espainiako gobernuburua lekuko gisa deitu zuen joan den uztailaren 30ean, eta Sanchezek emaztearen aurkako auzian ez deklaratzeko eskubidea baliatu zuen.
Bi kereila jarri dituzte Peinadoren aurka, ustezko prebarikazioagatik (bata, Sanchezek, Estatuko Abokatutzak sinatua; bestea, haren emazteak). Diligentziak bi minutu eskas iraun zuen, audioaren arabera.
Peinadok jakinarazi zion, emaztea ikertuetako bat zenez, ez zuela deklaratu behar "kalte egin ziezaiokeen guztian", bi inputatuen inguruko deklaraziorik ere ez zuen egin.
"Jauna, 416. artikuluaren salbuespena baliatuko dut", aurreratu zuen Sanchezek. "Ez al duzu adierazpenik egin nahi egin ahal izan zaizkizun galdera guztiei buruz?", errepikatu zuen Peinadok. "Legeak aitortzen duen eskubideari heldu nahi diot", berretsi zuen Espainiako presidenteak.
Gogoan izan behar da Gomez ikerketapean dagoela influentzia-trafikoko eta negozioetako ustelkeriako delituengatik. Irailaren 30ean Madrilgo Lurralde Auzitegiak erabaki behar du, inputatuak berak eta Fiskaltzak eskatuta, auzia artxibatu ala ez.
Felix Bolaños Presidentzia, Justizia eta Gorteekiko Harremanetarako ministroak kritikatu egin du Peinadok Sanchezen eskaera atzera bota izana (idatziz deklaratzea eskatu zuen gobernuburuak). "Epaileak aurrez aurreko eta grabatutako deklarazioa izatea erabaki zuen. Gaur aldeei eman zaie, argi dago helburua zein zen", adierazi du ministroak.
Zure interesekoa izan daiteke
Pradalesek gehiengo sindikala hartuko du, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.