Ortuzar: "Aukera hau balia dezagun eta ekar dezagun Euskadira autogobernurako etorkizun berria"
Antoni Ortuzar EAJren Euzkadi Buru Batzarraren presidenteak esan du EAEn eta Espainiako Estatuan dagoen egoera politikoa "aukera" dela "Euskadira autogobernu berria ekartzeko" eta "etorkizun politiko berrirako bidea egiteko". Ideia horixe azpimarratu du EAJren buruak 48. Alderdi Egunaren ospakizunean, Forondako zelaietan, martxoaren 29ko eta 30eko Batzar Nagusian amaituko den barne-berritze prozesuaren egutegia aurkeztu ostean. Prozesuan parte hartzeko deia egin die militanteei.
Autogobernuari dagokionez, "urte askoan lehen aldiz, euskal politikarien gehiengoa, euskal eragile politikoak, Madrilen gehiengoa duten aktore politikoekin bat datoz. Hori da aukera. Aprobetxa dezagun. Ekar dezagun Euskadira autogobernurako beste aukera bat. EAJk bere onena emango du ahalegin horretan", adierazi du.
Ortuzarrek esan du alderdi politiko guztiekin hitz egiteko asmoa dutela, eta hasteko, gobernukide diren PSE-EEkoekin. Horiei gogorarazi behar omen die Pedro Sanchez Espainiako Gobernuko presidentearekin sinatu zuten inbestidura akordioan agertzen dena, hau da, autogobernu berri bat negoziatzeko eta onartzeko konpromisoa dutela Espainiako Gobernuarekin.
EH Bilduren kasuan, jeltzaleen "norabidea markatu nahian" dabilela kritikatu du, eta "eurek proposatzen dutena oraindik inork ere ez daki", erantsi du. Gainera, Gernikako Estatutuan "sekula ez dute sinetsi", horren hitzetan, eta, are gehiago, "Madrilek beste narriatu dute".
Barne-berritze prozesuaren harira, Ortuzarrek alderdikideen eskura jarri ditu martxoaren 29an eta 30ean Donostian egingo den IX. Batzar Nagusiaren xehetasunak, barne-prozesuaren egutegia, alegia. Prozesuan parte hartzeko deia egin die militanteei, "aldatu behar den guztia aldatzeko eta mantendu behar den guztia mantentzeko". Era berean, "kritikari eta autokritikari ihes ez egiteko" eskatu die bertan bildutakoei. Bere etorkizunaz, hauxe esan die alderdikideei: "Mitina amaitzen denean, ez egin kazetariek egiten dutena eta nik zer egingo dudan galdetu; galde iezaiozue zeuen buruari zeuok zer egin behar duzuen".
Ortuzarren aurretik Imanol Pradales lehendakariak hartu du hitza, eta Jose Antonio Ardanza lehendakaria izan dute gogoan, bere heriotzatik hilabete batzuk igaro direnean.
Gracianne Mirandek, Ipar Buru Batzarraren ordezkariak, "batasunerako deia" egin du Euskadi "aske eta burujabea" eraikitzeko, eta etorkizunera begira identifikatzen dituen "hiru erronka" aipatu ditu: nazio eraikuntza, trantsizio ekologikoa Europaren baitan eta euskara.
Olatz Arresek, Euzko Gaztedi-EGI erakundeko alderdikideak, gazte erakunde horren 120 urteen balioa aldarrikatu du, "indarrean eta zutik jarraitzen baitu".
Zure interesekoa izan daiteke
Pradalesek gehiengo sindikala hartuko du, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.