Atutxak iragarri du ez duela BBBren presidentetzan jarraituko
"Azaroaren 23an bukatutzat emango dut BBBren zuzendaritzan eta ekitaldi politiko publikoetan egindako garaia", hitzokin iragarri du gaur Itxaso Atutxa EAJren Bizkaiko presidenteak bere agurra. "Politikan jarraituko dut, baina beste leku batean", argitu du. EAJk duela gutxi abiatu du bere zuzendaritza berritzeko barne prozesua, eta hura amaitzeko hilabete baino gehiago falta den honetan egin du iragarpena politikari jeltzaleak.
Onda Vasca irrati katean egindako elkarrizketa batean azaldu duenez, "une ezin hobea da garai bati amaiera emateko eta beste pertsona batek ardura gogoz eta ilusioz hartzeko". Bere ordezkoa nor izan daitekeen galdetuta, erantzun du afiliatuei dagokiela aukeratzea.
Kargua utzita, bere lanbidera —ikus-entzunezkoen arloa— itzuliko dela iragarri du, "normaltasun osoz". Azaldu duenez, hainbat urte ditu lan jarduna amaitzeko eta ofizioa "faltan" du. "Normaltasun osoz itzuliko naiz nire aurreko bizitzara eta lanbidera. Egiten dakidana da eta bertan bukatu nahi nuen nire ibilbide profesionala", zehaztu du.
Atutxaren arabera, "pribilegioa" izan da ia 12 urtez Bizkaiko EAJren buru izatea, "arlo pertsonalean ere higadura" sumatu duen arren. Karguan jarraituko ezbadu ere, azpimarratu du ez duela politikagintza eta EAJ utziko —1983tik dago afiliatuta—. "Beti eutsiko diot politikagintzari zor diodan konpromisoari", erantsi du.
Zure interesekoa izan daiteke
Gerraren eta berdintasun ezaren aurrean demokrazia defendatzeko deia egin du Sanchezek
Demokrazia defendatzeko Bartzelonan egin duten IV. bileraren hasieran egin ditu adierazpenok espainiar presidenteak. Horren hitzetan, bertan bildutako guztiek "kezkak" eta "erantzukizunak" partekatzen dituzte, horregatik, erabakiak hartzera bultzatu ditu gonbidatu guztiak.
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.
Langile publikoen finkotasuna bizkortzeko arau aldaketak eskatu ditu Jaurlaritzak Madrilen
Bitartekotasun-tasa murrizteko neurriak hartzea komeni dela adierazi du Euskadik, Maria Ubarretxena Jaurlaritzako bozeramaileak eta Oscar Lopez ministroak izandako lan-bileran. Egonkortze-prozesuen ondoren, % 50 inguruko mailatik % 14 ingurura igaro da, eta legegintzaldiaren amaieran % 8ra hurbiltzea da asmoa.