Senatuak baztertu egin du aurrekari penalen legea, eta Kongresura itzuli du
Pedro Rollan Senatuko presidenteak astelehen honetan iragarri duenez, aurrekari penalen legea atzera botatzea betotzat jo du, eta, horregatik, Kongresura itzuli du. Gaur bozkatutako legeak, besteak bese, ETA erakundeko zenbait presok Europar Batasuneko beste estatu batzuetan egindako espetxealdiak kommutatzea ahalbidetzen du.
Hasiera batean, araua aurrera ateratzea aurreikusten zen, Parlamentuan aurretik egindako izapide guztiak gainditu baitziren. Astelehen honetako bozketa, antza zebez, ez zuen garrantzi berezirik, baina Ganberako abokatuen txosten batean oinarrituta Rollanek egindako interpretazioak behin betiko onarpena atzeratzea ekarriko du.
Bozketaren ostean, Senatuko presidenteak lege proiektuari betoa jartzeari buruzko interpretazioaren berri eman du. Proiektuak kontrako 148 boto jaso ditu, eta gehiengo osoz onartu da, aldeko 111 boto eta bi abstentzio jasota.
Rollanek Senatuko Idazkaritza Nagusiak joan den ostiralean aurkeztutako txostenean oinarritu du jarrera hori. Txostenaren arabera, osoko bilkuran gehiengo osoz atzera botatzeak "beto baten ondorio juridikoa izan behar du, azken erabakia orokorra izan delako eta testua Diputatuen Kongresura itzuli behar delako".
Hala ere, Kongresuko zerbitzu juridikoek Senatuaren erabaki hori aztertuko dute. Parlamentuko iturriek jakitera eman dutenez, Senatuak hartutako erabakia aurrez igorri beharko du. Kongresuko zerbitzu juridikoek egingo dute txostena, Senatuaren jakinarazpena jaso ondoren, urriaren 22ko Mahaiak horri buruzko erabakia har dezan.
Horren ildotik, Patxi Lopez PSOEk Kongresuan duen bozeramaileak uste du Senatuak ez diola "betoa jarri" aurrekari penalei buruzko legeari, eta Goi Ganberak "kontra" bozkatu duela. Ondorioz, "zuzenean Estatuko Aldizkari Ofizialean" argitaratu daitekeela uste du Lopezek.
Lopezek Madrilgo Ateneoan egindako ekitaldi batean azaldu duenez, Senatuak legearen "aurka bozkatu du"; izan ere, sozialistak zehaztu duenez, "betoak arauzko ibilbide bat du, eta bozketa honek ez du hori bete".
"Beraz, txostenen edo abokatuek diotenaren zain, gure ustez ez da betorik izan, kontrako bozketa bat egon da, kito", gaineratu du. Ildo horretan, Lopezek uste du testua "zuzenean BOEra" joan daitekeela eta ez litzatekeela beharrezkoa izango Kongresuan berriro bozkatzea.
Zure interesekoa izan daiteke
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Aurrekontuak onartu ezean, hauteskundeak deitzea eskatu dio EAJk Sanchezi
Jeltzaleek gehiengo parlamentarioa galdu izana leporatu diote Gobernuari, eta Sanchezek esan du alderdiekin negoziatuko duela kontuak aurrera ateratzeko.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.