Begoña Gomezek deklaratzeari uko egin dio Madrilgo Asanblean "helburu politiko argia" duela argudiatuta
Begoña Gomez Pedro Sanchez Espainiako gobernuburuaren emazteak deklaratzeari uko egin dio gaur, Madrilgo Asanblean eratutako ikerketa batzordean. PPk bultzatuta osatu zuten batzorde hori, eta Gomez zen deklaratzen lehena. Madrilgo Complutense Unibertsitatean katedra bat zuzentzeko ardura mesede-tratu bati esker lortu ote zuen ikertuko dute.
Ikusmin handia zegoen sortuta Gomezen agerraldirako, eta 100 bat kazetariri eman diete akreditazioa. Gomez Antonio Camacho abokatua ondoan zuela heldu da, eta ezer baino lehen, jakinarazi du ez zila talde politikoen galderei erantzungo.
Argudiatu duenez, beraren kontrako salaketa guztiek "helburu politiko argia" dute. "Goizago ala beranduago, egia jakingo da," erantsi du.
Aurrez, minutu inguru erabili du Complutensen egindako lana azaltzeko. Gomezen hitzetan, duela 12 urte hasi zen Unibertsitatearekin lankidetzan, "master batean zuzendarikide". Azaldu duenez, 25 urte daramatza aholkularitzan eta irakaskuntzan lanean.
"Lantaldeak koordinatu ditu, proiektuak zuzendu, sektore pribatuko eta hirugarren sektoreko 50 bat profesionali aholkularitza eman diet", zehaztu du.
Madrilgo Unibertsitateari dagokionez, esan du 2020an lankidetza "zabaldu" zutela, aparteko katedra bat sortuta. Argitu duenez, "ohikoak dira halako jarduerak, eta ez dira ordaintzen".
Gomezenaz gain, Joaquin Goyache Madrilgo Complutense Unibertsitateko errektorearen eta Maria Elvira Gutierrez-Vierna kontu-hartzailearen agerraldiak izango dira gaur, aldaketarik ezean.
Pedro Sanchezen emaztea ikerketapean du Madrilgo 41. zenbakiko Instrukzio epaitegiak, influentzia trafikoa eta ustelkeria leporatuta. Ikerketa horren baitan, Gomezek astelehenean deklaratu behar du. Dena dela, idatzia bidali dio Peinado epaileari esanez ezingo dela joan, G-20 goi bileran egongo baita bisita ofizialean.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".