Itunpeko ikastetxeetako eta sare publikoko langileen soldatak parekatzeko baimena eman du Legebiltzarrak
Eusko Legebiltzarrak 2024ko EAEko Aurrekontuen Legearen artikulu bat aldatzea onartu du, gaurko Osoko Bilkuran, itunpeko ikastetxeetako langileen soldatak ikastetxe publikokoekin modu progresiboan parekatzeko. Aldaketa horren bitartez, ia 67 milioi euroko partida berezi bat aktibatuko da.
2023. eta 2024. urteetako ekitaldiei dagokien aldea ordainduko zaie itunpeko ikastetxeetako langileei, atzerako eraginez. Kristau Eskola sareko ikastetxeetako irakasleei ordaintzeko 50,1 milioi euro bideratuko dira eta Ikastola eta gainerako ikastetxeetako irakasleentzako 16,8 milioi euro. Aurrerantzean Ogasun Saila arduratuko da ordainketok egin ahal izateko funtsak ahalbidetzeaz, Diruzaintzako gerakinak baliatuta.
EAJ, PSE-EE, PP eta Vox legea aldatzearen alde agertu dira, EH Bildu abstenitu egin da eta Sumarrek kontra bozkatu du.
Ikoitz Arrese EH Bilduren legebiltzarkideak azaldu du subiranisten abstentzioaren zergatia; azaldu duenez, orokorrean neurri ona badirudi ere, itunpeko ikastetxe guztiak ez dira berdinak eta ez dute konpromiso maila bera, esaterako, euskalduntzeari, gardentasunari, laikotasunari eta inklusioari dagokienez.
Bere aldetik, Jon Hernadezek, Sumarrek legebiltzarrean duen ordezkari bakarrak, aurka bozkatzeko arrazoi gisa azaldu duenez, aldaketa horrekin sare publikokoenak baino altuagoak izango diren soldatak egongo dira itunpeko sarean. Gainera, hezkuntza eredu publikoa aldarrikatu du, eta Jaurlaritzari leporatu sare pribatua diru publikoz sostengatzea.
Soldatak parekatzeko prozesua Hezkuntzako Lege Organikoaren (2006) eta EAEko Hezkuntzaren Legearen (2023) baitan kokatzen da. Pedrosak adierazi duenez, parekatze prozesuak EAEko itunpeko ikastetxe guztien, gizarte ekimeneko ikastetxeen eta ikastolen ordezkarien adostasuna du, baita sindikatu nagusien ordezkariena ere.
Pedrosak ez du gaurko bilkuran lege-aldaketa honen inguruan hitz egin, baina, duela egun batzuk azaldu zuenez, behin soldatak berdindutakoan, itunpeko ikastetxeetako irakasleek ezingo dituzte "baldintza berdinetan" sare publikoan egiten duten irakasleek baino soldata handiagoa izan.
Zure interesekoa izan daiteke
Langile publikoen finkotasuna bizkortzeko arau aldaketak eskatu ditu Jaurlaritzak Madrilen
Bitartekotasun-tasa murrizteko neurriak hartzea komeni dela adierazi du Euskadik, Maria Ubarretxena Jaurlaritzako bozeramaileak eta Oscar Lopez ministroak izandako lan-bileran. Egonkortze-prozesuen ondoren, % 50 inguruko mailatik % 14 ingurura igaro da, eta legegintzaldiaren amaieran % 8ra hurbiltzea da asmoa.
Eusko Legebiltzarrak eskatu du Lan Agintaritzak enplegua erregulatzeko espedienteak baimentzeko eskumena berreskura dezala
EAJk, PSE-EEk, EH Bilduk eta Sumarrek babestu egin dute Espainiako Gobernuari eskatzea kaleratze kolektiboen baliozkotze administratiboa berriro derrigorrezkoa izan dadila; PPk eta Voxek, berriz, aurka bozkatu dute.
Melgosak Espainiako Gobernuari ohartarazi dio erregularizazio prozesuaren ondorioak bere gain har ditzala
Radio Euskadin egindako elkarrizketa batean, Nerea Melgosa sailburuak Sanchezen Gobernua kritikatu du, ez dituelako aintzat hartu Eusko Jaurlaritzak erregularizazio-prozesuari egindako alegazioak; besteak beste, euskara ikasten duten migratzaileen ahalegina aitortzea.
Sidenorren inguruko erabakiak ez du Otegi harritu, baina Israelekiko harremana mahai gainean jartzearen alde agertu da
Auzitegi Nazionalak Jose Antoni Jainaga eta Sidenorren zuzendaritzako beste bi kide genozidiogatik ez ikertzeko hartutako erabakiak ez du Arnaldo Otegi EH Bilduren idazkari nagusia harritu. Dena den, haren ustez, fokua Ameriketako Estatu Batuekiko eta Israelekiko harremanetan jarri behar da.
81 biktima politiko gehiago aitortu ditu Nafarroak
Foru Gobernuak biktimei errekonozimendua eta erreparazioa emateko hirugarren ekitaldia egin du, eta, guztira, 122 biktima aitortu ditu. Ana Ollok "giza eskubideen errespetuaren eta defentsaren" alde egin du, "zoru etikoa" hor dagoela aldarrikatuz.
Pardo de Verak deklaratu du Aldama Garraio Ministerioan noiznahi ikusten zuela atzera eta aurrera
Auzitegi Gorenean egin duen deklarazioan, Adifeko presidente ohiak ukatu egin du inolako presiorik jasan izana musukoak erosteko edo inor entxufatzeko.
Asironek esan du Aranzadiko etxegabetuei Udalak "behin behineko" irtenbidea eman ahal diela
Joseba Asiron Iruñeko alkateak Aranzadiko eraikina hustea beharrezkoa zela defendatu du, arrazoi humanitarioak eta segurtasun arrazoiak direla eta. Ziurtatu du aterperik gabe geratu diren 98 lagunen kasuak banan-banan aztertzen ari direla, behin-behineko irtenbidea emateko. Udalak behin betiko irtenbiderik ezin duela eskaini esan du, ez duelako horretarako eskumenik. "Irtenbidea erregularizazioa da".
Marlaskak esan du espazio publikoetan arma zurien erabilerari aurre egiteko neurriak "ahalik eta lasterren" hartuko dituela
Pasa den martxoaren 27an aldebiko batzordean arma zuriak eramateari buruzko zigor araubidea zorroztea eta indartzea adostu zuten Espainiako Gobernuak eta Eusko Jaurlaritzak. Ildo horretan, arazoari "modu egoki eta koordinatuan" heltzeko lege erreformak egitearen eta gizartea sentsibilizatzearen beharra azpimarratu du Fernando Grande-Marlaska Barne ministroak.
Voxen diputatu bat Kongresuko Osoko Bilkuratik kanporatu egin dute, Presidentetzako kideei aurre egiteagatik
Voxen Konstituzio Batzordearen bozeramaileak, José María Sánchez Garcíak, Kongresuko presidenteordeari eta letratu bati aurre egin die astearte honetan. Hainbat aldiz abisu eman diote, eta, azkenean, kanporatu egin dute. Sánchez García kexu zen ERCren diputatu batek, Jordi Salvadorrek, irain larriak egin zizkiola, hala nola “hiltzailea”, “ezjakina” eta “kriminala” esanez.
Torresek iragarri du Parte hartze Instituzionalari buruzko euskal Legean "parte hartu" nahi ez duten sindikatuen aurrean "diskriminazioak" ezarriko dituztela
Lehendakariordeak adierazi duenez, etorkizuneko legeak "eragile sozialen parte-hartze faltaren ondorioak" arautuko ditu, "derrigor" parte har dezaten.