Akordiorik gabe amaitu da Espainiako Gobernuak eta PPk adingabe migratzaileen harrerari buruz egindako bilera
Adingabe migratzaileei harrera nola egin eta autonomia-erkidegoen artean banatzeari buruz Espainiako Gobernuak, PPk eta Kanarietako eta Ceutako exekutiboek ostegun honetan egin duten bilera akordiorik gabe amaitu da.
Hala baieztatu du bileratik irten berritan Miguel Tellado Kongresuko Talde Popularraren bozeramaileak.
Bilera Kanaria Uharteek Madrilen duten Gobernuaren Ordezkaritzan izan da, eta bertan izan dira Angel Víctor Torres Lurralde Politikako eta Memoria Demokratikoko ministroa, Sira Rego Gazteria eta Haurtzaroko ministroa, Fernando Clavijo Kanarietako presidentea eta Juan Vivas Ceutako presidentea.
Gobernuko ordezkariek berretsi dute irtenbidea atzerritarrei buruzko legearen 35. artikuluaren erreformatik etorri behar dela, autonomia-erkidegoek adingabe horiek hartzeko betebeharra izan dezaten; PPk, berriz, migrazio-politikari buruzko eztabaida sakonagoa mahai gainean jartzeko eskatu dio Gobernuari.
Kanarietako Gobernuak hilabeteak daramatza "Estatu-irtenbide bat" eskatzen, uharteek duela hilabete batzuetatik bizi duten migrazio-presioari erantzuteko, bai eta Estatuak har dezan inoren kargura ez dauden migratzaile adingabeen tutoretza ere.
Urrian, PPk bertan behera utzi zituen Espainiako Gobernuarekin zituen elkarrizketak, Gobernuak Europar Batasunari laguntza eskatzeari uko egin ziola argudiatuta. Kanarietako PSOEk eta Gobernuak ukatu egin zuten baieztapen hori, eta akordioa lortzeari uko egiteko aitzakiak jartzea aurpegiratu zioten PPri.
Albiste gehiago politika
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.