PPk bertan behera utzi ditu migrazioaz hitz egiteko Espainiako Gobernuarekin izan behar zituen elkarrizketak
PPk iragarri du bertan behera utzi dituela Espainiako Gobernuarekin migrazioaz hitz egiteko abiatutako elkarrizketak, eta Miguel Tellado bozeramailea ez dela batzartuko Angel Victor Torres Lurralde Politikako ministroarekin datorren astelehenean.
PPren arabera, Pedro Sanchezen gobernuak uko egin dio Europar Batasunari laguntza eskatzeari, Alberto Nuñez Feijoo buru duen alderdiak eskatutakoari entzungor eginez.
Telladok jada esan dio Torresi ez dela elkarrizketarik egongo "Gobernuak atzera egin eta Batasunaren laguntza eskatu arte, arazoa ez baita Kanariena eta Espainiarena soilik". Gainera, PPk Espainiako Gobernuaren eta Europako Batzordearen arteko hartu-emanen dokumentazioa helarazteko eskatu du, eta ez omen du erantzunik jaso.
Kanarietako PSOEk, berriz, "politika eta migrazio arloko akordio posibleak gezurrekin ez nahasteko" eskatu dio PPri, eta ukatu egin du Espainiako Gobernuak Europaren laguntzari muzin egin izana.
Aitzakiak alde batera uzteko eskatu dio Bolañosek PPri
Elkarrizketak bertan behera utzi ostean, Felix Bolaños Presidentetza, Justizia eta Gorteekiko Harremanetarako ministroak migrazioaren alorrean Gobernuarekin akordioa lortzeko aitzakiak alde batera uzteko eskatu dio. Era berean, erantzukizunak bere gain hartzeko eta gizatasuna erakusteko exijitu dio.
Ministroaren esanetan, Espainiako Gobernua lanean ari da migrazioaren arazoa konpontzeko, baita migrazio-eredu solidario bat izateko, non migratzaileek harrera duina duten eta migrazio-fluxuak elkartasunez erregulatzen diren.
Bolañosek gaineratu du Gobernuak akordioak lortu dituela eta adostasuna lortzen saiatu dela, eta elkarrizketak bertan behera uzteko erabakia gaitzetsi du, akordiorik ez lortzeko "aitzakia" delakoan.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.