PPk eta Juntsek zuzenketa bat adostu dute, elektrizitatea sortzeko zerga bertan behera uzteko saiakeran
Alderdi Popularrak eta Junts per Catalunyak lege proiektu baten gaineko zuzenketa bat adostu dute eta testuan sartzea lortu dute Diputatuen Kongresuan. Zuzenketaren arabera, energia elektrikoaren ekoizpenaren balioaren gaineko zerga bertan behera gelditu daiteke, tarifa-defizitik ez dagoenean. Berotegi-efektuko gasak isurtzeko eskubideen salerosketa-erregimena arautzen duen lege-proiektuan egin dute zuzenketa. Gaur egun, ekoizpen balioaren gaineko zerga hori % 7an dago finkatuta, eta, onartutako erreformarekin, 0ra jaitsiko da, betiere tarifa-defizitik ez badago.
Astelehen arratsaldean eztabaidatu zen erreforma, ateak itxita, Kongresuan, eta, hasiera batean, ostegun honetan bozkatu behar zen Cristina Narbona ministro ohia buru duen Trantsizio Ekologikorako Batzordean. Hala ere, PPk eta Juntsek lege-proiektuari zuzenketa transakzionala egin zioten ponentzia fasean. PSOEk eta Sumarrek kontra bozkatu arren, ekimenak aurrera egin zuen, Voxen, ERCren eta EAJren babesa izan zuelako, Alderdi Popularreko iturriek nabarmendu dutenez.
Espainiako Gobernua PPk eta Juntsek adostutako proposamenaren aurka agertu da, eta PSOEk eta Sumarrek erreformaren tramitazioa etetea erabaki dute. Parlamentuko iturriek adierazi dutenez, ponentziako txostena onartu ostean, PSOEk eta Sumarrek gehiengoa duten Batzordeko Mahaiak azken orduko bilera deitu du batzordearen deialdia atzeratzeko.
Patxi Lopez PSOEk Kongresuan duen bozeramaileak adierazi duenez, energia ekoizpenaren gaineko zergaren eztabaida "fase goiztiar" batean dago oraindik, eta PPk eta Juntsek lortu duten akordioa "iraultzen edo baldintzatzen" saiatuko da. Bere hitzetan, zerga hori kenduz gero, diru-kutxa publikoek "1.500 milioi gutxiago" bilduko lituzkete.
Gobernuak lehenago ere erabili du Konstituzioak aitortzen dion beto-boterea zerga hori ezabatu nahi zuen Juntsen zuzenketa baten gainean. Era berean, energia produktuen inportazio edo erosketen gaineko BEZa aldi baterako jaistea proposatzen zuen PPren zuzenketa bati ere betoa jarri zion.
Miguel Tellado Kongresuko Talde Popularraren bozeramaileak adierazi du lortutako akordioa "arrakasta parlamentarioa" izan dela. PPk jakinarazi du, zerga hori bertan behera utzita, Espainiako familiek 400 milioi euro aurreztuko lituzketela. Enpresa txiki eta ertainen kasuan, 500 milioi aurreztuko dira, eta 200 milioi industria handietan. Era berean, adierazi dute EBko gainerako herrialdeek ez dutela zerga hori, eta, beraz, Espainiako industria "ez dela hain lehiakorra".
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.