De Aldama enpresaburua Auzitegi Gorenean da 'Koldo auzia'n deklaratzeko
Victor de Aldama enpresaburua Auzitegi Gorenean da, 'Koldo auzian' ikertu gisa deklaratzeko.
10:00etan zeukan hitzordua Auzitegi Gorenean, eta ordu erdi lehenago iritsi da epaitegira, Daniel Esteve Desokuparen burua alboan zuela.
Leopoldo Puente 'Koldo auzia' ikertzen ari den Auzitegi Goreneko epaileak Victor de Aldama enpresaburuari ez ezik, Koldo Garciari, Jose Luis Abalos mininistro ohiaren aholkulariari, ere deklarazioa hartuko dio aste honetan.
Asteartean, Koldo Garciaren txanda izango da. 2024ko otsailean atxilotu zutenetik, lehen aldiz deklaratuko du epaile baten aurrean ikertu gisa.
De Aldamaren deklarazioak ikusmina eragin du abenduaren 5ean idatzi bat aurkeztu zuelako Gorenaren aurrean, ziurtatuz Abalos ministro ohiarekin hitzartu zuela Madrilgo Castellana pasealekuan zegoen 1,9 milioi euroko balioa zuen pisu bat hari ematea, obra publikoko kontratu batzuen truke etorkizunean eraikuntza-enpresa batzuek egingo zizkioten ordainketen "berme" gisa. Ondorengo egunetan hainbat informazio kaleratu ziren baieztapen horiek gezurtatzeko. Egungo Garraio ministroak, adibidez, adierazi du aipatzen ziren obra publiko batzuk ez zirela inoiz egin, eta beste batzuk Abalosen garaian ez, aurrez edo ondoren esleitu zirela.
Abalos ministro ohiak berak borondatezko deklarazioa egin zuen aurreko astean Gorenean, eta De Aldamak esandakoak gezurtatu. De Aldama berak, aurrez, Auzitegi Nazionalean deklaratu zuenean, adierazi zuen Abalosi 600.000 euro eman zizkiola. Albiste agentzien areabera, Gorenean aurkeztutako azken bertsioari eutsiko dio De Aldamak.
Koldo Garciaren deklarazioa
Asteartean, ikusmin handiena sortu duen beste une bat bizi izango da: Koldo Garciaren galdeketa. Koldo Garcia Abalos Espainiako Garraio ministro ohiaren konfiantzazko gizona eta aholkularia izan zen, eta, Abalosek berak bere deklarazioan baieztatu zuenez, covid-19 pandemia betean ministerio horrek maskarak erosteko hornitzaileak bilatzeko kudeaketa azkartzeko agindu zion.
Gogoratu behar da auzi hau ireki zela De Aldamaren partaidetza duen Soluciones de Gestion enpresari maskarak erosteko kontratu publikoak esleitzean komisio ilegalak egon zirela susmatzen delako. Auziaren ikerketa Auzitegi Nazionalari dagokio baina gaia azalpen arrazoituaren bidez iritsi zen Gorenera, Abalos ministro ohiak zer egin zuen ikertzeko, foruduna baita diputatu izateagatik.
Gorenak Abalosen aurkako auzia abiaraztea erabaki ondoren, De Aldama eta Garcia deitzea erabaki zuen.
Cuca Gamarra: "Aste judizial hau Pedro Sanchezen Eguberri aurreko amesgaiztoa da".
Testuinguru horretan, Cuca Gamarra PPren idazkari nagusiak esan du PSOEren hurrengo aste "judiziala" Pedro Sanchezen "Eguberri aurreko amesgaiztoa" dela, De Aldama eta Koldo Garciaz gain, Begoña Gomez Espainiako Gobernuko presidentearen emaztea eta Cristina Alvarez Moncloako aholkularia ere joan beharko baitira auzitegietara.
Gamarrak Toledoko PPren Gabonetako bazkarian egin ditu adierazpenok, eta ustelkeria Gobernuko presidentea "inguratzen" ari dela adierazi du,"oso zaila da jakitea auzi horietatik zeinek duen garrantzi handiena ikuspegi penaletik", azpimarratu du.
Zure interesekoa izan daiteke
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.
Langile publikoen finkotasuna bizkortzeko arau aldaketak eskatu ditu Jaurlaritzak Madrilen
Bitartekotasun-tasa murrizteko neurriak hartzea komeni dela adierazi du Euskadik, Maria Ubarretxena Jaurlaritzako bozeramaileak eta Oscar Lopez ministroak izandako lan-bileran. Egonkortze-prozesuen ondoren, % 50 inguruko mailatik % 14 ingurura igaro da, eta legegintzaldiaren amaieran % 8ra hurbiltzea da asmoa.
Eusko Legebiltzarrak eskatu du Lan Agintaritzak enplegua erregulatzeko espedienteak baimentzeko eskumena berreskura dezala
EAJk, PSE-EEk, EH Bilduk eta Sumarrek babestu egin dute Espainiako Gobernuari eskatzea kaleratze kolektiboen baliozkotze administratiboa berriro derrigorrezkoa izan dadila; PPk eta Voxek, berriz, aurka bozkatu dute.
Melgosak Espainiako Gobernuari ohartarazi dio erregularizazio prozesuaren ondorioak bere gain har ditzala
Radio Euskadin egindako elkarrizketa batean, Nerea Melgosa sailburuak Sanchezen Gobernua kritikatu du, ez dituelako aintzat hartu Eusko Jaurlaritzak erregularizazio-prozesuari egindako alegazioak; besteak beste, euskara ikasten duten migratzaileen ahalegina aitortzea.
Sidenorren inguruko erabakiak ez du Otegi harritu, baina Israelekiko harremana mahai gainean jartzearen alde agertu da
Auzitegi Nazionalak Jose Antoni Jainaga eta Sidenorren zuzendaritzako beste bi kide genozidiogatik ez ikertzeko hartutako erabakiak ez du Arnaldo Otegi EH Bilduren idazkari nagusia harritu. Dena den, haren ustez, fokua Ameriketako Estatu Batuekiko eta Israelekiko harremanetan jarri behar da.
81 biktima politiko gehiago aitortu ditu Nafarroak
Foru Gobernuak biktimei errekonozimendua eta erreparazioa emateko hirugarren ekitaldia egin du, eta, guztira, 122 biktima aitortu ditu. Ana Ollok "giza eskubideen errespetuaren eta defentsaren" alde egin du, "zoru etikoa" hor dagoela aldarrikatuz.
Pardo de Verak deklaratu du Aldama Garraio Ministerioan noiznahi ikusten zuela atzera eta aurrera
Auzitegi Gorenean egin duen deklarazioan, Adifeko presidente ohiak ukatu egin du inolako presiorik jasan izana musukoak erosteko edo inor entxufatzeko.
Asironek esan du Aranzadiko etxegabetuei Udalak "behin behineko" irtenbidea eman ahal diela
Joseba Asiron Iruñeko alkateak Aranzadiko eraikina hustea beharrezkoa zela defendatu du, arrazoi humanitarioak eta segurtasun arrazoiak direla eta. Ziurtatu du aterperik gabe geratu diren 98 lagunen kasuak banan-banan aztertzen ari direla, behin-behineko irtenbidea emateko. Udalak behin betiko irtenbiderik ezin duela eskaini esan du, ez duelako horretarako eskumenik. "Irtenbidea erregularizazioa da".