Espainiako Pilota Federazioak auzitara joko du Nazioarteko Federazioak Euskadikoa kidetzat hartu duela eta
Espainiako Pilota Federazioak auzitara joko du Euskal Pilotaren Nazioarteko Federazioak (FIPV) Euskadikoaren ofizialtasuna aitortu duela eta. Horren ustez, erabakia "gehiegikeria nazionalista" da, eta hala, horren kontra egingo duela iragarri du bart, epaitegietan zein Kirolaren Arbitraje Auzitegian.
FIPVk biltzarra egin zuen larunbatean, Iruñean, eta orduan hartu zuen erabakia. Sei egun eskasen buruan heldu da, horrenbestez, eginbideak abiatzeko iragarpena. Espainiako Federazioaren hitzetan, Espainiako Batzorde Olinpikoaren eta Espainiako Kirol Elkartearen babesa du.
Ohar bidez, Julian Garcia Angulo Espainiako Federazioaren Batzorde Kudeatzailearen presidenteak salatu du Nazioarteko Euskal Pilota Federazioak biltzar hura egiteko baliatutako prozedura "irregularra eta iluna" izan zela, "baliogabea, zuzenbide alorretik".
Federazioaren arabera, "Espainia modu irregularrean kaleratu zuten, Anguloren kontrako presazko zigorrak ezarrita. Espainiak uste du Nazioarteko Euskal Pilota Federazioak (FIPV) araudia urratu zuela eta argi utzi, Espainia bertan egon izan balitz, Euskadiko selekzioa ez zutela horren erraz onartuko.
Gogora ekarri behar da Garcia Angulori zigorra ezarri ziotela Arabiako herrialdeen kontra "sare sozialetan adierazpen desegokiak" egiteagatik, eta horrenbestez, ezin zuela botorik eman Nazioarteko Federazioaren biltzarrean.
"Espainiako kirol munduak aho batez babesten du auzia. Urtarrilaren 2an Espainiako Batzorde Olinpikoan egindako bileran, Alejandro Blanco Batzordeko presidenteak eta Vicente Martinez Espainiako Kirol Elkartearen idazkari nagusiak erabateko babesa eman zioten auzitara jotzeko erabakiari", erantsi du.
Espainiako Pilota Federazioak espero du Kirol Kontseilu Gorenak "zuhurtziaz" jokatuko duela, eta ez duela biltzar hartan hartutako erabakia berretsiko. "Espainiako kirolaren interesen defentsan jardungo dugu, eta auzia honako printzipioen arabera konponduko delakoan gaude: justizia, legezkotasun, nazioarteko araudiarekiko errespetu eta espiritu olinpikoa".
EITB Mediari gaur egindako adierazpenetan, Garcia Angulok zehaztu du astelehenean salaketa aurkeztu zutela Kirol Kontseilu Gorenean larunbateko biltzarrean Nazioarteko Federazioak egindako "irregulartasun oso larrien" kontura, eta batzar hartan hartutako erabakia baliogabetzea eskatu dutela. Batzorde Kudeatzaileko presidenteak azpimarratu duenez, Espainiak ez du "Euskadiko Federazioa Nazioartekoan sartzearen kontra egingo, hori lortzeko erabili diren bideen kontra baizik". Garcia Anguloren esanetan, "tranparik gabe lortutako aitortza balitz, ez genuke arazorik izango".
Euskadiko Federazioa: "Kirol Kontseilu Gorenak erabakia berretsi baino ezin du egin"
Gotzon Enbil Euskadiko Pilota Federazioko presidenteak Radio Euskadin adierazi duenez, "gauzak ondo egin dira" eta Euskal Pilotaren Nazioarteko Federazioaren erabakiak "estatutuen puntu guztiak errespetatu zituen". Hori horrela, uste du Kirol Kontseilu Gorenak ez duela zeresanik, eta ebazpena "berretsi baino" ezin duela egin.
Enbilen iritzian, Diputatuen Kongresuak duela bi urte onartutako Kirolaren Legeak ofizialtasunaren bidea zabaldu ziola Euskadiko Pilota Federazioari. Gainera, azaldu du zigor espedienteak Garcia Angulori bakarrik eragiten ziola, eta "Espainiako Federazioko beste edozein kidek" bozka zezakeela bere ordez. "Angulo Federazioaren langile batekin joan zen biltzarrera, bere iloba, eta zuzendaritzako kide ez denez, ezin zuen bozkatu. Uste dut Federazioaren akatsa izan zela".
FIPV: "Espainiak ez zuen debekatuta boto ematea"
Argudio berberak erabili ditu, honek ere Radio Euskadin egin dioten elkarrizketa batean, Xabier Casabon Euskal Pilotaren Nazioarteko Federazioaren presidenteak ere. Argitu duenez, Espainiako Federazioak bazeukan boto eskubidea biltzarrean, ez, ordea, Garcia Angulok. "Federazioaren Batzorde Kudeatzailearen beste bi kidek bazuten bozkatzeko eskubidea", hortaz, "Espainiak ez zuen debekatuta".
"Dena estatutuen arabera egin da", azpimarratu du. Era berean, gogorarazi du erabakia "legearen baitan" dagoela, zehazki, Kirolaren Lege berriaren 48. artikuluaren araberakoa dela.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.