Adingabeen banaketa "ekitatiboa" eta adierazle "objektiboetan" oinarrituta egitea eskatuko du Jaurlaritzak
Bidaiderik gabeko adingabe migratzaileak autonomia erkidegoen artean banatzeko Espainiako eta Kanarietako Gobernuek iragarritako akordioa albiste ona dela nabarmendu du Ibone Bengoetxea Eusko Jaurlaritzaren lehen lehendakariorde eta Kultura eta Hizkuntza Politika sailburuak, formula juridikoa ezagutu zain. Adin txikiko horien banaketa "ekitatiboa" eta adierazle "objetiboen" arabera egitea eskatuko du Jaurlaritzak, eta ardura bere gain hartzeagatik ekarpen ekonomikoa jasotzea.
Euskadi Irratiko "Faktoria" saioan egin dioten elkarrizketan Ibone Bengoetxeak azaldu duenez, itxura guztien arabera, Espainiako eta Kanarietako Gobernuen arteko akordioa oinarri hartuta onartuko den errege dekretuak "eskatutakoari erantzuna emango dio".
Hala ere, adin txikiko migratzaileen banaketa irizpide zehatz batzuen arabera egin behar dela iritzi dio Eusko Jaurlaritzak. Batetik, "banaketa ekitatiboa egon behar da eta adierazle objektiboetan oinarrituta", eta, bestetik, "orain arte harrera egin dugu erkidego honi, Euskadiri, ekarpen ekonomiko bat egin beharko zaio".
Euskadik "solidario" izaten jarraituko duela nabarmendu du Bengoetxeak, baina "horrek ez du esan nahi gure eskumenak eta aldarrikapenak eskatuko ez ditugunik".
Bestalde, euskara eskakizunen aurkako azken epaiagatik minduta hitz egin du Bengoetxeak, besteak beste, euskararen indarra gazteleraren parean jartzen duelako. Aitzitik, hizkuntza gutxitua den neurrian euskarak diskriminazio positiboa behar duela aldarrikatu du. EAEko Justizia Auzitegi Gorenak berretsi egin du Bizkaiko Foru Aldundiak administrazio alorreko 77 lanposturako jarritako euskara eskakizunaren aurka Bilboko epaitegi batek kaleratutako epaia, eta, ondorioz, lan eskaintza publikoa errepikatu beharko du.
Azkenik, Gotzone Sagardui 2020-2024 legealdian Eusko Jaurlaritzako Osasun sailburu izandakoa Vithas Vitoria ospitaleko zuzendari medikoa izendatu ondotik sortutako eztabaidaren harira, prozedura bete dela eta "bateragarria" dela nabarmendu du Bengoetxeak.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.