Sanchez ez da omnibus dekretua zatitzearen aldekoa
Omnibus dekretua atzera bota ostean, Espainiako Gobernuko presidente Pedro Sanchezek ez du argitu indar gabe geratu diren neurriak nolabait berreskuratzeko asmoa duen ala ez, alegia, pentsioen igoerarekin edota garraio publikorako dirulaguntzekin zer gertatuko den, baina esan du ez dela dekretua zatitzearen aldekoa, PPk proposatu gisa.
Horren harian, gizartearekin "enpatia" izateko eta arduraz jokatzeko eskatu die PPri eta Juntsi, dekretuaren aurka bozkatuta "mina" eragin dutela iritzita.
Sanchezen ustez, ekonomiaren hazkundea eragozten ari dira bi alderdi horiek. Horregatik, neurri horiek gaitzesteak zer "zentzu politiko" daukan eta "zer dela eta" egin duten galdetu die.
"Zer azalpen du horrek guztiak? Berriro ere, erantzukizunez jokatzeko eskatu nahi diet aurka bozkatu dutenei, sen onez joka dezatela, omnibus dekretuak gure herrialdearen babesa behar baitu", berretsi du Sanchezek, "gizartearen zati handienari mesede" egingo diola arrazoituta.
Hartara, Gobernuak, beste dekretu baten bidez, pentsioen igoera "berehala" berreskuratuko duen galdetuta, erantzun du testuak ez zuela soilik neurri hori hartzen, garraio publikoaren doakotasuna, goialdeko depresioak kaltetutakoentzako laguntzak, etxegabetzeekin lotutakoak eta "askoz gehiago" jasotzen baitzituen.
Feijoo: "Herritarren kontrako 40 neurri ziren"
PPko buru Alberto Nuñez Feijook baieztatu du bere alderdiaren "ezezkoari" esker etxebizitzen jabeek beren etxeak berreskuratu ahalko dituztela. "Ez ziren pentsioak, herritarren aurkako 40 neurri ziren", esan du.
Puigdemontek PSOE kritikatu du
Juntseko presidente Carles Puigdemontek gogora ekarri du PSOEko presidente Pedro Sanchezek ere "xantaia" gisa sailkatu zituela, bera oposizioan zegoela, Mariano Rajoyren gobernuaren omnibus dekretuak.
"Badirudi PP ez dela bakarra pentsioekin xantaia egiten duena neurri onartezinak aurrera ateratzeko", esan du X sare sozialean argitaratutako mezu batean.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.