Ministroen Kontseiluak omnibus dekretua onar dezake gaur, Kongresuak atzera bota arren
Yolanda Diaz Espainiako Gobernuko Lan ministro eta bigarren presidenteordeak eskatu du PPren, Voxen eta Juntsen kontrako botoengatik Diputatuen Kongresuan bertan behera geratu zen omnibus dekretua Ministroen Kontseilura eramatea, "astearte honetan, posible bada".
"Uste dut Espainiako Gobernuak lehenbailehen, bihar bertan posible bada, eraman behar duela Ministroen Kontseilura omnibus dekretu hau", adierazi du Lan ministroak.
Bigarren presidenteordeak esan du dekretua "bere horretan" eraman behar dela, "herritarrek ez dutelako nahi minean oinarritutako politika".
Ildo beretik, Alderdi Popularrari esaktu dio ezezkoa zergatik eman zuen azal dezan. "Alderdi Popularrak (...) lege-proposamen bat erregistratu zuen, Espainiako pentsiodunei pentsioen balioa handitu nahi dutela esateko edo esaten saiatzeko, eta ez da horrela. Alderdi Popularra Espainiako Gobernuaren neurri sozial guztien aurka dago ", gaineratu du.
Gainera, Yolanda Diaz bigarren presidenteordeak PPri leporatu dio "Voxek bahituta" egotea, eta horrek Alberto Nuñez Feijoo buruzagiari Moncloara iristea galaraziko diola adierazi. Izan ere, erabaki du beraiek dutela pentsioak errebalorizatzeko eta garraiorako laguntzak hobaritzeko neurri sozialak bertan behera uzteko erantzukizuna; ez, ordea, Juntsek, Kongresuan zazpi eserleku baino ez ditu eta.
Era berean, adierazi du PPren "arinkeriak" 11,5 milioi pentsiodun kaltetu dituela; "berbari ez eustea" aurpegiratu dio, eta kontuak eman ditzan eskatu dio omnibus dekretuaren neurri sozialen aurka egin izanagatik: "Politika jendearen bizitza hobetzea da (....). Ez dago joan den astean Kongresuan egindakoa justifikatzen duen arrazoirik", esan du Lan ministroak.
Are gehiago, esan du omnibus dekretuari aurka bozkatuta "min" egiteko estrategiari soilik jarraitzen diola, baina gaineratu du ez diola Gobernuari min egiten, herritarrei baizik. "Ez diote Espainiako Gobernuari zaplaztekorik eman. Gure herrialdean dauden hamaika milioi eta erdi pentsioduni ari zaizkie zaplaztekoak ematen. Bonifikatutako garraio publikoan ibiltzen diren herritar askori ari zaizkie zaplaztekoak ematen", azaldu du Diazek.
Azkenik, zalantzan jarri du PPk lanaldiaren murrizketarekin eta lan-erreformarekin "akats bera" egingo ote duen, Alberto Casero diputatu ohi popularraren "akats batengatik" aurrera atera bazen ere. "Lanaldia murriztearen aurka bozkatuko duzu?", galdetu du.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.