Manu Ayerdi kontseilari ohiaren aurkako auzia artxibatu du Nafarroako Auzitegiak
Nafarroako Lurralde Auzitegiak Manu Ayerdi Nafarroako Gobernuko kontseilari ohiaren aurkako 'Davalor auzia' artxibatzea erabaki du, delitu-zantzurik ikusi ez duelako.
Hori horrela, epaileak atzera bota ditu Fiskaltzaren, UPNren eta PPren helegiteak. Geroa Bairen iritziz, "funtsik gabeko akusazioetan oinarritutako eta inoiz hasi behar ez zen" prozesu bati amaiera eman diote horrela.
Koalizioak gogorarazi duenez, "inoiz ez da auzirik egon, Kontuen Ganberak bere txostenean ondorioztatu zuen bezala, operazioa legezkotasun osoz eta irregulartasunik gabe egin zelako, eta jarraitutako prozeduraren eta Manu Ayerdiren zintzotasuna egiaztatu zirelako".
"Nafarroako eskuinak justiziaren erabilera alderdikoia" egin du
Hori dela eta, Geroa Baik salatu du "Nafarroako eskuinak justiziaren erabilera alderdikoia" egin duela, eta "urteetan zehar interes politiko argiarekin" erabili duela auzia.
"Lau urtez baino gehiagoz, UPNk jazarpen kanpaina bat bultzatu du, eta ondoren PPk bat egin zuen horrekin, Ayerdiren eta Geroa Bairen kontrako jazarpen operazio batean, politikoki kalte egitea beste helbururik gabe", deitoratu du koalizioak.
Bien bitartean, EAJk erantzukizunak eskatu dizkie UPNri eta PPri, "Manu Ayerdiren ibilbide politiko eta profesionalari egindako kalteagatik".
Unai Hualde Napar Buru Batzarraren presidentea pozik agertu da "UPNk eta PPk hasiera-hasieratik maltzurkeriaz, interesez eta alderdikeriaz erabili duten auzia artxibatzeagatik, Manu Ayerdiren aurkako jazarpen kanpaina lotsagabe batean". Kasu honetan gertatutakoa "jazarpen eta sarraskijalekeria politikoaren adibidea" dela erantsi du Hualdek.
Zure interesekoa izan daiteke
Frankismoak Eltziegon eraildakoen senideek olibondo bat landatu dute euren omenez
La Pilastra Memoria eta Kultura Demokratikorako elkartea aurkeztu dute ekitaldian, biktimen memoria berreskuratzeko eta bizikidetzaren oinarri diren balioak sustatzeko lan egiteko asmoz sortu den ellkarte arabarra.
Zapaterok ikertu gisa deklaratuko du asteon Plus Ultra auzia eta atzeman zizkioten bitxiak tarteko
Calama epaileak hilaren 17an eta 18an galdekatuko du presidente ohia. Pandemia garaian erreskatatu zuten aire konpainiaren auziagatik ez ezik, bere bulegoan aurkitutako bitxiengatik ere galdetuko diote.
Ansolaren esanetan, EAJ ez da inoiz egongo Vox partaide den alternatibetan: "Voxekin inoiz ez, ezer ez"
Iñigo Ansola Bizkai Buru Batzarreko presidenteak Voxen alternatiba politiko oro baztertu du: "Ez dugu inoiz parte hartuko Vox presente dagoen inongo alternatibatan... printzipioengatik, balioengatik, gure herriarekiko errespetuagatik. Voxekin inoiz ez, ezer ez".
EAJren eta PSE-EEren arteko talka Bizkaiko plan fiskala dela eta
Talentua erakartzeko eta enpresen sustraitzea indartzeko asmoz Bizkaiak kenkari fiskalen pakete handi bat iragarri eta biharamunean, euskal sozialistek euren haserrea agertu dute, bai edukiagatik, bai formagatik. Mikel Torres Bizkaiko PSE-EEko buru, Jaurlaritzako lehendakariorde eta Ekonomia, Lan eta Enplegu sailburuak esan du bere alderdiak komunikabideen bidez izan duela horren berri.
Podemos Euskadik M-15eko espiritua berreskuratzeko deia egin du, herritarrak ustelkeriarekin "nazkatuta" daudelako
Podemos Euskadiko koordinatzaile nagusiak, Richar Vaquerok, M-15aren espiritua berreskuratzeko deia egin du, gaur egun, orain 15 urte bezala, herritarrak "nazkatuta" daudelako "ustelkeriarekin, erreskate publikoetan egindako azpijokoekin eta pertsona gutxi batzuek erakundeak beren onurarako erabiltzearekin".
PPk azalpenak eskatuko ditu USaPeko euskara azterketan izandako zero mordoagatik, eta ikerketa eskatu du
Esther Martinez EAEko PPko idazkari nagusiak iragarri duenez, bere alderdiak azalpenak eskatuko ditu, Unibertsitatera Sartzeko Probaren (USaP) euskara azterketan zero mordoa izan delako. Suspentso gehienak itunpeko ikastetxeetako, A ereduko eta epaimahai jakin batzuetako ikasleek izan dituzte.
Enplegu publikoaren legeari segurtasun juridikoa ematea espero du EAJk, eta EH Bilduk akordioa posible ikusten du "alderdi askotan"
PSE-EEk "akordioak hautsi" izana egotzi die jeltzaleei, "hainbat hilabetez negoziatzen egon ostean", eta PPk eta Voxek "politika inposatzailea" dela uste dute.
EAJk Ipar Euskal Herrirako bere marka berritu du: Le Parti Basque
Aitor Estebanek Bidarten adierazi duenez, nomenklatura berri honek alderdiaren "balioak eta ideologia abertzale eta zentrokoa hobeto ordezkatzen ditu".
Eusko Jaurlaritzak ertzain baten aurka Leioan izan den "seinalatze publikoa" gaitzetsi du
Hainbat kartel agertu dira Leioako ikastetxe baten inguruan, maiatzaren 23an Loiuko aireportuan izan zen Ertzaintzaren dispositiboaren arduraduna seinalatuz.
Ibone Bengoetxea: "Munduko txapelketa ekartzeko marra gorria akordio orekatua da"
Bilbo eta Donostia 2030eko Munduko Futbol Txapelketaren egoitza izateari buruz galdetu dio Amaia Martinez Voxeko legebiltzarkideak Kultura eta Hizkuntza Politikako sailburuari. FIFAren baldintzak "ez dira gutxi, ezta txikiak ere", Bengoetxearen hitzetan, eta hirietako mugikortasuna mugatzea edo munduko txapelketak "hiriko beste ekitaldi propioekin" bat ez egitea nabarmendu du horien artean. Eusko Jaurlaritzak "ez du txeke zuririk sinatuko, ezta hankak, eskuak eta ahoa lotuko ere", gaineratu du.