Pradalesen ustez, AEBrekiko loturak sendotu behar dira, "muga-zergen mehatxua" izan arren
Imanol Pradales lehendakariak euskal enpresekin Washingtonen egindako bilera batean adierazi duenez, "muga-zergen mehatxua" izan arren, Euskal Autonomia Erkidegoak (EAE) epe luzera begiratu behar du eta Ameriketako Estatu Batuekiko (AEB) loturak sendotu.
Pradales astelehenetik dago Washingtonen, AEBra egin duen lehen bidaia ofizialean, eta astearte honetan sektore aeroespazialeko enpresekin eta Basque Trade & Investment (BTI) elkartearen ordezkariekin bildu da.
Hitzordu horretan, lehendakariak onartu du Donald Trumpek iragarritako muga-zergak "oso kezkagarriak" direla, baina uste du EAEk "epe luzera begiratu eta lotura ekonomikoak, enpresarialak, zientifikoak eta kulturalak indartu" behar dituela herrialde horrekin, "AEB Trumpez eta haren Administrazioaz harago doazelako".
AEBko hiriburuan demokraten eta errepublikanoen ordezkariekin duen hitzordu politikoaren aurretik, Pradalesek azaldu du "une historiko" honetan Euskadik aukera guztiak aprobetxatzen jarraitzeko "ausardia eta anbizioa" duela, "baita hemen ere, Ameriketako Estatu Batuetan". "Gure ikuspegia eta apustua epe luzekoa da, balioa emango diguten nazioarteko aliantzak eta sareak sortuz", berretsi du.
Laugarren bazkide komertziala
Lehendakariak gogorarazi duenez, AEB Euskadiren laugarren bazkide komertziala da, 2024an 1.992 milioi euroko esportazioak egin ziren eta. Era berean, erantsi du gehien esportatutako bigarren produktua hegazkingintzarako turborreaktoreen zatiak izan zirela.
Horregatik, EAEko sektore aeronautikoak eta aeroespazialak mundu mailako erreferentziazko erakunde eta enpresekin (NASA eta AEBko hainbat ikerketa-zentrorekin, esaterako) duen lankidetza estua nabarmendu du Pradalesek.
"Eragile askorekin harremanak landu eta estutu behar ditugu, ziurrenik ez baitatoz bat Trump proposatzen ari den neurri protekzionistekin", esan die aeronautika sektoreko ordezkariei.
Era berean, Ameriketako Estatu Batuak laugarren postuan daude EAEren esportazioen hartzaile gisa. Euskadiko 5.500 enpresa esportatzaileez gain, mila batek maiz merkataritza harremanak dituzte AEBko merkatuarekin hainbat sektoretan, esaterako, energia, makineria eta ekipo-ondasunak, automobilgintza eta bio-osasunean.
AEBko industria aeroespaziala munduko handiena da. 2023an, 955.000 milioi dolarreko salmentak egin zituen, hau da, BPGaren % 1,6. Eusko Jaurlaritzak ohar batean nabarmendu duenez, Espainiako industria aeroespazialaren fakturazioaren % 15 eta Europakoaren % 1 EAEtik datoz.
Euskadik ordezkaritza iraunkorra izango du Washingtonen
Arratsaldean (Euskal Herriko ordua), lehendakariak bilerak egin ditu Joaquin Castro eta John Garamendi kongresista demokratekin, eta James E. Risch errepublikanoarekin.
Ondoren, Pradalesek iragarri du Euskadik indartu egingo duela AEBn duen presentzia, Washingtonen ordezkaritza iraunkorra zabalduz.
Jaurlaritzaren esanetan, lehendakariak aliantza berriak egin nahi ditu, AEBren eta Euskadiren arteko harremanak indartzeko.
Zure interesekoa izan daiteke
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.