SOS Deiak zerbitzuaren ohiko jarduera hirukoiztu egin zen itzalaldiaren ordurik zailenetan
Euskadiko Larrialdi Sistemak 16.000 jarduera baino gehiago erregistratu zituen itzalaldiaren egunean eta biharamunean, SOS Deiak, Osakidetza, lurraldeetako eta hiriburuetako suhiltzaileak, Ertzaintza, Trafikoa kudeatzeko zentroa eta errepideak kontutan hartuta (Udaltzaingoak batu barik). Ordurik gogorrenetan, apirilaren 28ko 12:00etatik 19:00etara, SOS Deiak zerbitzuaren ohiko jarduera hirukoiztu egin zen. 4.000 dei baino gehiago jaso ziren tarte horretan.
Datuok eman ditu Bingen Zupiria Segurtasun sailburuak Eusko Legebiltzarrean egin duen agerraldian, bertan izan baita Euskadiko Segurtasun Publikoaren Egoerari buruzko 2024 Txostena aurkezten. Horren esanetan, hiri eremuetan izan ziren itzalaldiaren ondorioz gertatutako intzidentzia nagusiak, erreskateei lotutakoak.
Astebete baino gehiago pasa da Iberiar penintsula osoa (Espainiako Estatua eta Portugal) hartu zuen itzalalditik, eta oraindik gertatutakoa argitzeko badago ere, Espainiako Gobernuak ez du hipotesirik baztertzen, tartean zibererasoarena.
Sailburuak bere hitzaldian adierazi duenez, bere "Sailarentzat gizartearen bizi-funtzioak ziurtatzea da Segurtasuna", eta hori bi zeregin nagusiren bidez gauzatzen da, bere ustez: "prestakuntza eta erantzuna".
Hala, azpimarratu du apirilaren 28ko itzalaldiak segurtasuna fokopean jarri zuela, "Segurtasuna bere ikuspegi zabalenetik begiratuta: larrialdiak, lan asistentziala, babes zibila, zaintza, herritarren polizia-babesa eta herritarren segurtasun osoa".
Zupiriak agerrialdian adierazi du "Euskadik erantzun berehalakoa, sendoa eta eraginkorra" eman ziola krisialdiari, eta berretsi duenez "ustekabeko egoera zail baten aurrean erakundeen arteko lankidetza, koordinazioa eta konfiantza" izan direla ardatz, euskal gizarteari zerbitzua emateko.
Gauzak horrela, esan du "egiteko modu horri jarraituta" jardungo dutela. "Ez gara bide horretatik aterako", esan du. Bide beretik, itzalaldiaren egunean konpromisoa erakutsi zuten profesional eta boluntario guztien lana eskertu du sailburuak.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.